Landsliðið tapað sjö leikjum í röð með markatölunni 3-18

Ísland tapaði 2-0 fyrir Armeníu í öðrum leik sínum í undankeppni HM 2022 í gær og er komið í þrönga stöðu í J-riðli undankeppninnar.

Illa hefur gengið hjá íslenska liðinu að undanförnu og það hefur tapað níu af síðustu tíu leikjum sínum, þar af sjö í röð.

Eini sigurinn kom gegn Rúmeníu, 2-1, í undanúrslitum umspils um sæti á EM 2020 8. október í fyrra. Fyrir utan það hafa allir leikir frá því í september á síðasta ári tapast með markatölunni 4-24.

Ísland tapaði öllum sex leikjum sínum í Þjóðadeildinni í fyrra auk tapsins grátlega fyrir Ungverjalandi í úrslitum umspils um sæti á EM 2020.

Íslendingar hafa svo tapað fyrstu tveimur leikjum sínum í undankeppni HM og ekki enn skorað mark.

Ísland mætir Liechtenstein í Vaduz í þriðja leik sínum í undankeppni HM á miðvikudaginn. Íslendingar verða að vinna þann leik ef þeir ætla að eiga einhverja möguleika á að komast á HM í Katar á næsta ári.

Síðustu tíu leikir Íslands