Símtal við vinkonu meðan á nauðgun stóð lykilatriði í málinu Kolbeinn Tumi Daðason skrifar 6. apríl 2021 21:00 Héraðsdómur Reykjaness Vísir/Vilhelm Ali Conteh, tæplega fertugur karlmaður, hefur verið dæmdur í tveggja ára fangelsi fyrir nauðgun í september 2018. Var hann sakfelldur fyrir að hafa á heimili sínu haft samræði og önnur kynferðismök við átján ára stúlku án samþykkis hennar og með ofbeldi og ólögmætri nauðung. Þá var hann dæmdur til að greiða henni 1,6 milljónir króna í miskabætur. Símtal stúlkunnar til vinkonu sinnar, sem móðir hennar heyrði hluta af, leiddi til vitnisburðar mæðgnanna sem var lykilatriði í málinu að sögn héraðsdóms. Bæði samkvæm sjálfu sér í frásögn Óumdeilt var að Ali og stúlkan hittust á skemmtistað í miðborg Reykjavíkur og héldu síðan á heimili hans. Þá væri slegið á föstu að hann hefði sleikt kynfæri hennar og haft við hana samfarir um leggöng. Hins vegar greindi þau mjög um frumkvæðið að athöfnunum. Konan sagðist hafa verið orðin þreytt og viljað fara að sofa. Hann hefði hins vegar viljað stunda kynmök. Bæði voru að sögn dómsins sjálfu sér samkvæm og trúverðug í frásögn sinni. Stúlkan sagðist hafa orðið mjög ölvuð og vinkona hennar staðfesti það. Sömuleiðis lögregluþjónar og aðrir sem hittu hana morguninn eftir að hún kom úr íbúð Ali. Þá var hún enn undir áhrifum daginn eftir þegar hún veitti sýni. Því taldi héraðsdómur að slá mætti föstu að hún hefði verið umtalsvert ölvuð þegar hún kom í íbúð Alis. Þau sögðust hafa neytt kannabis saman ofan í áfengi og sérfræðingur fyrir dómi staðfesti að það yki strax á sljóvgun. Stúlkan sagði ástand sitt hafa verið slæmt fyrir og enn verra eftir reykingarnar. „Eins og nauðgun í beinni útsendingu“ Þau töluðu bæði fyrir dómi um að konan hefði verið í símanum þegar ákærði sleikti kynfæri hennar. Þar var hún að ræða við vinkonu sína og móðir hennar heyrði símtalið að hluta. Segir í dómi héraðsdóms að við úrslausn málsins hafi skipt verulegu máli hvað mæðgurnar sögðu um símtalið. Vinkonan hefði sagt að einhver væri að „fara niður“ á hana og hún vissi ekki hver. Vinkonan hefði tekið eftir því hversu hrædd hún væri, ólíkt því sem hefði verið á skemmtistað um kvöldið þar sem þær voru saman. Móðirin sagðist hafa heyrt stúlkuna öskra og segja „hann er að fara niður á mig“. Hún hefði verið hágrátandi, í móðursýkiskasti og út úr kortinu. Móðir vinkonunnar staðfesti orð sín úr lögregluskýrslu að þetta hefði verið „eins og nauðgun í beinni útsendingu“. Viðbrögð þeirra í framhaldinu hafi verið eðlileg. Þær hafi lagt allt kapp á að ná í móður stúlkunnar og hringt í lögreglu. Þá hafi þær gert ráðstafanir til að bróðir stúlkunnar gat staðsett hana með hjálp Snapchat og komið henni til aðstoðar. Ekki í ástandi til að sporna við verknaðinum Þótti þetta mikill stuðningur við lýsingar ungu konunnar. Að sama skapi væri í þessu ljósi mjög ósennilegur sá framburður Alis að unga konan hefði leitað eftir kynmökum en hann viljað sofa og látið undan henni. Í framhaldi af því hefðu farið fram kynmök sem konan hefði greinilega notið, að hans sögn. Héraðsdómur lagði framburð stúlkunnar til grundvallar að hún hefði ekki verið í ástandi til að sporna við verknaðinum vegna ölvunar, áhrifa fíkniefna og svefndrunga. Yrði að telja ljóst að ákærða hefði vitað að samræðið og kynferðismörkin væru gegn vilja hennar og henni ekki unnt að hindra þau. Það að stúlkan hljóp út úr íbúðinni, vafin í handklæði en klæðalaus að öðru leyti, og í miklu uppnámi að mati þeirra sem hittu á hana, væri því til stuðnings að eitthvað alvarlegt hefði komið fyrir hana. Sömuleiðis það sem eftir henni var haft á sjúkrahúsi. Því hefði ákæruvaldið fært lögfulla sönnun fyrir sekt Alis gegn neitun hans. Við ákvörðun refsingar var horft til þess að Ali hefði hefði ekki áður verið gerð refsing. Sömuleiðis að brotið var framið í september 2018 en ákæra ekki gefin út fyrr en tveimur árum síðar. Þá hefði hann brotið á nær ókunnungri átján ára stúlku á heimili sínu. Ákvörðun miskabóta miðuðu við sambærileg mál og vísað til þess að brot sem þessi væru til þess fallin að valda sálrænum erfiðleikum. Var Ali því dæmdur til að greiða stúlkunni 1,6 milljónir króna í miskabætur. Kynferðisofbeldi Dómsmál Mest lesið Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Eiginmaður íslenskrar konu lét sig hverfa rétt eftir brúðkaupið Innlent Yazan afar létt að vera ekki vísað frá landi Innlent „Það er ódýrast og best og fljótlegast að kála þessum dýrum“ Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Frambjóðandi Trump lýsti sér sem „svörtum nasista“ á klámsíðu Erlent Íbúar Springfield klofnir í afstöðu sinni til heimsóknar Trump Erlent Fleiri fréttir Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Sjá meira
Var hann sakfelldur fyrir að hafa á heimili sínu haft samræði og önnur kynferðismök við átján ára stúlku án samþykkis hennar og með ofbeldi og ólögmætri nauðung. Þá var hann dæmdur til að greiða henni 1,6 milljónir króna í miskabætur. Símtal stúlkunnar til vinkonu sinnar, sem móðir hennar heyrði hluta af, leiddi til vitnisburðar mæðgnanna sem var lykilatriði í málinu að sögn héraðsdóms. Bæði samkvæm sjálfu sér í frásögn Óumdeilt var að Ali og stúlkan hittust á skemmtistað í miðborg Reykjavíkur og héldu síðan á heimili hans. Þá væri slegið á föstu að hann hefði sleikt kynfæri hennar og haft við hana samfarir um leggöng. Hins vegar greindi þau mjög um frumkvæðið að athöfnunum. Konan sagðist hafa verið orðin þreytt og viljað fara að sofa. Hann hefði hins vegar viljað stunda kynmök. Bæði voru að sögn dómsins sjálfu sér samkvæm og trúverðug í frásögn sinni. Stúlkan sagðist hafa orðið mjög ölvuð og vinkona hennar staðfesti það. Sömuleiðis lögregluþjónar og aðrir sem hittu hana morguninn eftir að hún kom úr íbúð Ali. Þá var hún enn undir áhrifum daginn eftir þegar hún veitti sýni. Því taldi héraðsdómur að slá mætti föstu að hún hefði verið umtalsvert ölvuð þegar hún kom í íbúð Alis. Þau sögðust hafa neytt kannabis saman ofan í áfengi og sérfræðingur fyrir dómi staðfesti að það yki strax á sljóvgun. Stúlkan sagði ástand sitt hafa verið slæmt fyrir og enn verra eftir reykingarnar. „Eins og nauðgun í beinni útsendingu“ Þau töluðu bæði fyrir dómi um að konan hefði verið í símanum þegar ákærði sleikti kynfæri hennar. Þar var hún að ræða við vinkonu sína og móðir hennar heyrði símtalið að hluta. Segir í dómi héraðsdóms að við úrslausn málsins hafi skipt verulegu máli hvað mæðgurnar sögðu um símtalið. Vinkonan hefði sagt að einhver væri að „fara niður“ á hana og hún vissi ekki hver. Vinkonan hefði tekið eftir því hversu hrædd hún væri, ólíkt því sem hefði verið á skemmtistað um kvöldið þar sem þær voru saman. Móðirin sagðist hafa heyrt stúlkuna öskra og segja „hann er að fara niður á mig“. Hún hefði verið hágrátandi, í móðursýkiskasti og út úr kortinu. Móðir vinkonunnar staðfesti orð sín úr lögregluskýrslu að þetta hefði verið „eins og nauðgun í beinni útsendingu“. Viðbrögð þeirra í framhaldinu hafi verið eðlileg. Þær hafi lagt allt kapp á að ná í móður stúlkunnar og hringt í lögreglu. Þá hafi þær gert ráðstafanir til að bróðir stúlkunnar gat staðsett hana með hjálp Snapchat og komið henni til aðstoðar. Ekki í ástandi til að sporna við verknaðinum Þótti þetta mikill stuðningur við lýsingar ungu konunnar. Að sama skapi væri í þessu ljósi mjög ósennilegur sá framburður Alis að unga konan hefði leitað eftir kynmökum en hann viljað sofa og látið undan henni. Í framhaldi af því hefðu farið fram kynmök sem konan hefði greinilega notið, að hans sögn. Héraðsdómur lagði framburð stúlkunnar til grundvallar að hún hefði ekki verið í ástandi til að sporna við verknaðinum vegna ölvunar, áhrifa fíkniefna og svefndrunga. Yrði að telja ljóst að ákærða hefði vitað að samræðið og kynferðismörkin væru gegn vilja hennar og henni ekki unnt að hindra þau. Það að stúlkan hljóp út úr íbúðinni, vafin í handklæði en klæðalaus að öðru leyti, og í miklu uppnámi að mati þeirra sem hittu á hana, væri því til stuðnings að eitthvað alvarlegt hefði komið fyrir hana. Sömuleiðis það sem eftir henni var haft á sjúkrahúsi. Því hefði ákæruvaldið fært lögfulla sönnun fyrir sekt Alis gegn neitun hans. Við ákvörðun refsingar var horft til þess að Ali hefði hefði ekki áður verið gerð refsing. Sömuleiðis að brotið var framið í september 2018 en ákæra ekki gefin út fyrr en tveimur árum síðar. Þá hefði hann brotið á nær ókunnungri átján ára stúlku á heimili sínu. Ákvörðun miskabóta miðuðu við sambærileg mál og vísað til þess að brot sem þessi væru til þess fallin að valda sálrænum erfiðleikum. Var Ali því dæmdur til að greiða stúlkunni 1,6 milljónir króna í miskabætur.
Kynferðisofbeldi Dómsmál Mest lesið Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Eiginmaður íslenskrar konu lét sig hverfa rétt eftir brúðkaupið Innlent Yazan afar létt að vera ekki vísað frá landi Innlent „Það er ódýrast og best og fljótlegast að kála þessum dýrum“ Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Frambjóðandi Trump lýsti sér sem „svörtum nasista“ á klámsíðu Erlent Íbúar Springfield klofnir í afstöðu sinni til heimsóknar Trump Erlent Fleiri fréttir Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Sjá meira