Innlent

Hópsýking í Þorlákshöfn og veikindi um borð í Þórsnesi

Hólmfríður Gísladóttir skrifar
Þorlákshöfn.
Þorlákshöfn. Vísir/Vilhelm

Fjögur ný kórónuveirusmit greindust í Þorlákshöfn í gær. „„Brauðið er ekki komið úr ofn­in­um, það er enn verið að skoða þetta. Það er staðfest að ein­hverj­ir eru með smit en þetta er ekki stór hóp­ur,“ hefur Morgunblaðið eftir Elliða Vign­is­syni, bæj­ar­stjóra í Ölfusi.

Hann segist gera ráð fyrir því að nokkuð stór hópur þurfi að fara í sóttkví en smitið virðist hins vegar afmarkað. Ekki liggur fyrir hvort smituðu voru í sóttkví við greiningu.

Þá hefur mbl.is greint frá því að átta skipverjar um borð í línuskipinu Þórsnes séu veikir og að áhöfnin fari í sýnatökur nú í morgunsárið. Verða skipverjar í sóttkví um borð þangað til en skipið varð vélarvana norður af Langanesi í gær og var dregið til hafnar af varðskipinu Þór.

Faraldur kórónuveiru (COVID-19) Ölfus

Mest lesið


Fleiri fréttir

Sjá meira


×

Mest lesið