Varnar­­garðarnir alls ekki sóun ef Reykjanesið hefur vaknað til lífs

Jarð­eðlis­fræðingurinn Páll Einars­son gagn­rýndi fram­kvæmdirnar í kvöld­fréttum Stöðvar 2 á þriðju­dag eftir að ríkis­stjórnin sam­þykkti að verja tuttugu milljónum í þær. Hann sagði þetta sóun og að engin leið væri að stöðva hraunið með varnar­görðum.

„Já, já og hann hefur alveg rétt fyrir sér að ýmsu leyti,“ sagði Hörn við Stöð 2 þegar hún var innt eftir við­brögðum við gagn­rýni Páls. „Þetta er í rauninni spurningin um það að við erum bara að reyna að tefja fram­rásina, kaupa okkur meiri tíma og kannski hættir það í milli­tíðinni þannig við fáum það ekki niður á Suður­strandar­veg eða yfir ein­hverjar lagnir.

Kannski heldur þetta það lengi á­fram að við fáum ein­hvern Skjald­breið hér og þá hefur þetta náttúru­lega ekkert að segja það sem við erum að gera,“ sagði Hörn.

Hún telur reynsluna sem fæst af verk­efninu aðal­at­riðið: „Það sem skiptir kannski megin­máli er að ef Reykja­nesið er vaknað og þetta getur komið upp ein­hvern tíma annars staðar seinna, þar sem eru mikil­vægir inn­viðir, að við lærum á þetta allt saman þannig við erum þá að reyna núna og fáum ýmis­legt svona í far­teskið fyrir næstu árin og ára­tugina kannski.“

Hér má sjá viðtalið við Hörn úr kvöldfréttum Stöðvar 2:

Hraunið nánast komið yfir garðinn

Ríkis­stjórnin sam­þykkti fyrir síðustu helgi að koma upp tveimur fjögurra metra háum varnar­görðum á gos­stöðvunum. Hún sam­þykkti síðan á þriðju­dag að þeir yrðu hækkaðir upp í átta metra. Mark­miðið er að hindra, eða að minnsta kosti að tefja, hraunið í að steypast niður í Nátt­haga og þar með í átt að Suður­strandar­vegi.

Vestari varnar­garðurinn er orðinn um átta metra hár en sá eystri ekki nema um fjórir. Dá­lítið af neyðar­ruðningi var komið fyrir á honum í dag. Þar munar nú mjög litlu að hraunið komist yfir lægstu hluta garðsins.

„Þetta er neyðar­ruðningur þannig hann er svo­lítið hól­óttur að ofan þannig þar sem hann er lægstur eru þetta kannski 20 til 30 sentí­metrar,“ segir Hörn.

Þá er hæg­fljótandi hraun­tunga að síga í átt að vestari stíflunni og vinnur Verkís nú þeim megin við að koma neyðar­ruðningi fyrir hana.