Frum­sýning Sauma­klúbbsins var stjörnum prýdd

Þær Jóhanna Vigdís Arnardóttir, Elma Lísa Gunnarsdóttir, Edda Björg Eyjólfsdóttir, Arndís Egilsdóttir og Helga Braga Jónsdóttir fara með aðalhlutverk í myndinni. Leikstjóri kvikmyndarinnar er Gagga Jónsdóttir, sem er líka einn handritshöfunda hennar ásamt Snjólaugu Lúðvíksdóttur.

Myndin fjallar um fimm konur á besta aldri sem skella sér saman í bústað til að hafa það gott og slaka á. Undir huggulegu yfirborðinu leynast þó gamlar syndir sem leysast úr læðingi þegar síst varir. Tökur myndarinnar fóru fram á Suðurlandi og höfuðborgarsvæðinu síðasta sumar.