Keyptur til Leeds úr norsku úrvalsdeildinni

Klaesson kemur til Leeds frá norska úrvalsdeildarliðinu Valerenga og gerir fjögurra ára samning við Leeds.

Talið er að norska félagið fái 1,6 milljónir punda í sinn hlut fyrir félagaskiptin.

Klaesson er tvítugur að aldri líkt og aðalmarkvörður Leeds, Frakkinn Ilan Meslier.

Þrátt fyrir ungan aldur á Klaesson 55 leiki að baki í norsku úrvalsdeildinni þar sem hann hefur verið aðalmarkvörður Valerenga undanfarin þrjú ár.

Íslenski sóknarmaðurinn Viðar Örn Kjartansson er á mála hjá Valerenga.