Metumferð um Hringveginn

Umferð var töluvert meiri en spár Vegagerðarinnar gerðu ráð fyrir. Miðað við landshluta var mest umferðaraukning á Austurlandi, rúmlega 23 prósent. Umferð á höfuðborgarsvæðinu jókst minnst eða um aðeins 0,4 prósent.

Umferð jókst á öllum svæðum landsins fyrir utan eitt, við Úlfarsfell en þar varð 1,3 prósent samdráttur, en mest jókst umferð um á Möðrudalsöræfum eða tæp 34 prósent.

Umferð hefur aukist um 10 prósent frá áramótum borið saman við sama tímabil í fyrra. Umferð hefur aukist í öllum landssvæðum en mest um Austurland eða um rúmlega 20 prósent en minnst um eða nálægt höfuðborgarsvæðinu eða um rúmlega 7 prósent.

Aukning hefur verið í umferð alla vikudaga, ef horft er til tímabilsins frá áramótum, en mest hefur umferð aukist á sunnudögum eða um rúmlega 13 prósent en minnst á fimmtudögum eða um 6 prósent. Mest er ekið á föstudögum en minnst á laugardögum.

Minni umferð um Hellisheiði yfir verslunarmannahelgi

Umferðardeild Vegagerðarinnar tók saman tölfræði um umferð út frá höfuðborgarsvæðinu um verslunarmannahelgina í tilefni af mikilli umræðu um hana.

Umferð var mæld um tvo helstu mælipunkta út frá höfuðborgarsvæðinu, sem gætu gefið vísbendingu um streymið til og frá höfuðborgarsvæðinu, eða um Hellisheiði og um Hvalfjarðargöng.

Tekin var saman heildarumferð dagana frá fimmtudegi, fyrir verslunarmannahelgi, til mánudags frídags verslunarmanna, og hún borin saman við síðasta ár og umferðina árið 2019.

Á báðum stöðum reyndist umferðin mun meiri en á síðasta ári en talsvert minni um Hellisheiði en árið 2019 en nánasta sama umferð um Hvalfjarðargöng. Umferð um Hellisheiði var sjö prósent minni í ár en 2019. Telja verður að aflýsing Þjóðhátíðar í Eyjum hafi haft mikil áhrif á umferð um Hellisheiði.

Umferð umfram spá Vegargerðarinnar

Umferð jókst mun meira í nýliðnum júlí en gert var ráð fyrir og nú stefnir í að aukning umferðar, á yfirstandi ári, verði líklegast í kringum 12%. Gangi sú spá eftir yrði umferðin samt sem áður rúmlega 3% minni en hún var árið 2019.