Körfubolti

Jón Axel í stuði með Phoenix Suns

Smári Jökull Jónsson skrifar
Jón Axel í leik í þýsku deildinni á síðasta tímabili.
Jón Axel í leik í þýsku deildinni á síðasta tímabili. vísir/Getty

Grindvíkingurinn Jón Axel Guðmundsson lék í 16 mínútur með Phoenix Suns í sumardeild NBA þegar liðið lagði Portland í nótt.

Jón Axel freistar þess að ná samningi í NBA deildinni og er hluti af liði Phoenix Suns í sumardeildinni en Suns komst alla leið í úrslit NBA deildarinnar á síðasta tímabili þar sem liðið beið lægri hlut gegn Milwaukee Bucks.

Suns vann 79-70 sigur á Portland Trailblazers í nótt og lék Jón Axel í rúmar 16 mínútur. Á þeim tíma skoraði hann fjögur stig, tók eitt frákast, stal tveimur boltum og gaf fimm stoðsendingar. Hann var með hæstu +/- tölfræði liðsins en liðið skoraði sextán stigum meira en andstæðingurinn þegar Jón Axel var inni á vellinum.

Suns deildi myndbandi á Twitter reikningi sínum í nótt þar sem sýndar eru tvær af stoðsendingum Jóns Axels.

Fyrir nokkrum dögum kom fram að Jón Axel væri líklega á leið til Ítalíu þar sem hann myndi semja við lið Bologna.

Körfubolti NBA

Tengdar fréttir

Jón Axel sagður á leið til Ítalíu

Jón Axel Guðmundsson, landsliðsmaður Íslands í körfubolta, er sagður vera á förum frá Frankfurt Skyliners í Þýskalandi til að semja við Bologna á Ítalíu.

Jón Axel sagður á leið til Ítalíu

Jón Axel Guðmundsson, landsliðsmaður Íslands í körfubolta, er sagður vera á förum frá Frankfurt Skyliners í Þýskalandi til að semja við Bologna á Ítalíu.

Mest lesið


Fleiri fréttir

Sjá meira


×

Mest lesið