124 greindust með kórónu­veiruna í gær

Þetta kemur fram í uppfærðum tölum á vefnum covid.is.

1.169 eru nú í einangrun, en voru 1.165 í gær. 2.206 eru nú í sóttkví, en voru 2.244 í gær. 1055 eru nú í skimunarsóttkví.

Þá eru 25 nú á sjúkrahúsi vegna Covid-19, en voru þrjátíu í gær. Fimm eru á gjörgæslu, samanborið við sex í gær.

Einn greindist á landamærum í gær, og reyndist sá með virkt smit í fyrri landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 393,2, en var 390,8 í gær. Nýgengi á smiti á landamærum er nú 4,4, en var 5,2 á miðvikudag.

260.598 eru nú fullbólusettir hér á landi.

Alls hafa 9.812 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa þrjátíu dauðsföll verið rakin til Covid-19 á Íslandi frá upphafi faraldursins.

Fréttin hefur verið uppfærð.