108 greindust með veiruna innan­lands í gær

Þetta kemur fram í uppfærðum tölum á vefnum covid.is.

Alls eru 1.204 nú í einangrun, en voru 1.169 í gær. 2.509 eru nú í sóttkví, en voru 2.206 í gær. 950 eru nú í skimunarsóttkví.

Þá eru 26 nú á sjúkrahúsi vegna Covid-19, en voru 25 í gær. Sjö eru á gjörgæslu, samanborið við fimm í gær.

Einn greindist á landamærum í gær, og er þar niðurstöðu mótefnamælingar beðið.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 381,5, en var 393,2 í gær. Nýgengi á smiti á landamærum er nú 3,8, en var 4,4 í gær.

260.707 eru nú fullbólusettir hér á landi, eða 83 prósent landsmanna tólf ára og eldri.

Alls hafa 9.916 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa þrjátíu dauðsföll verið rakin til Covid-19 á Íslandi frá upphafi faraldursins.

Fréttin hefur verið uppfærð.