Enski boltinn

Æfir stuðningsmenn Chelsea skrifa undir áskorun um að Taylor dæmi ekki fleiri leiki hjá liðinu

Ingvi Þór Sæmundsson skrifar
Leikmenn Chelsea mótmæla eftir að Anthony Taylor dæmdi vítaspyrnu á Reece James og rak hann af velli.
Leikmenn Chelsea mótmæla eftir að Anthony Taylor dæmdi vítaspyrnu á Reece James og rak hann af velli. getty/Simon Stacpoole

Anthony Taylor er ekki í miklu uppáhaldi hjá stuðningsmönnum Chelsea og vinsældir hans jukust ekki eftir leik liðsins gegn Liverpool í ensku úrvalsdeildinni í gær.

Undir lok fyrri hálfleiks dæmdi Taylor vítaspyrnu á Reece James og rak enska landsliðsmanninn af velli. Mohamed Salah skoraði úr vítinu og jafnaði í 1-1 sem urðu lokatölur leiksins. Taylor kvað upp dóm sinn eftir að hafa skoðað atvikið örsnöggt á myndbandi.

Stuðningsmenn Chelsea voru afar ósáttir við ákvörðun Taylors og segja hana enn eitt dæmið um að hann dæmi gegn liðinu.

Í kjölfar leiksins var efnt til tveggja undirskriftasafnana til að koma í veg fyrir að Taylor fengi að dæma fleiri leiki með Chelsea. Um fjörutíu þúsund manns skrifuðu undir hvora áskorun.

Í annarri þeirra var því haldið fram að Taylor hefði slæm áhrif á geðheilsu stuðningsmanna Chelsea og í hinni sagði að það væri honum og öryggi hans fyrir bestu að hætta að dæma leiki liðsins.

Chelsea er með sjö stig eftir fyrstu þrjár umferðirnar í ensku úrvalsdeildinni.

Enski boltinn

Tengdar fréttir

Tuchel segist hafa beðið til guðs seinustu fimm mínúturnar gegn Liverpool

Thomas Tuchel, knattspyrnustjóri Chelsea, var ánægður með baráttu sinna manna þegar að liðið gerði 1-1 jafntefli við Liverpool á Anfield í dag eftir að hafa verið manni færri allan seinni hálfleikinn. Hann segist þó ekki vera sannfærður um að Reece James hafi verðskuldað rautt spjald.

Tíu leikmenn Chelsea sóttu stig á Anfield

Liverpool og Chelsea gerðu 1-1 jafntefli á Anfield í stórleik umferðarinnar í ensku úrvalsdeildinni. Tíu leikmenn Chelsea héldu út og fara með eitt stig aftur til Lundúna.

Mest lesið


Fleiri fréttir

Sjá meira


×

Mest lesið