Lífið

Ilmmerkinu Le Labo fagnað í Mikado

Ása Ninna Pétursdóttir skrifar
Eigendur verslunarinnar Mikado á Hverfisgötu efndu til veislu á dögunu til að fagna komu ilmvatnsmerkisins Le Labo. 
Eigendur verslunarinnar Mikado á Hverfisgötu efndu til veislu á dögunu til að fagna komu ilmvatnsmerkisins Le Labo. 

Það var mikið um dýrðir í versluninni Mikado á dögunum þegar efnt var til veislu til að bjóða velkomið fransk-ameríska ilmvatnsmerkið Le Labo.

Ilmirnir eru samtals 18 talsins og hefur merkið hlotið mikið lof fyrir einstaklega fíngerða sem og kraftmikla ilmi. 

Þetta er í fyrsta skipti sem merkið er fáanlegt á Íslandi svo að ilmvatnsáhugafólk getur nú lagt leið sína á Hverfisgötuna og lyktað af alls 18 ilmum.

„Við opnuðum Mikado í desember 2020 og þetta merki var eitt af þeim merkjum sem var efst á listanum okkar. Við hófum samtalið við þá alveg í byrjun en við höfum báðir verið miklir aðdáendur merkisins til fjölda ára,“ segir Einar Guðmundsson, annar eigandi Mikado. 

Kraftmikil en fíngerð ilmvöt

Ilmvatnsmerkið Le Labo fæddist í Grasse í Frakkland sem er svokölluð höfuðborg ilmvatnsgerðar sem staðsett er á frönsku Rivíerunni. Merkið þróaðist svo og óx í New York borg þar sem ilmvatnsgerðarmennirnir Eddie Roschi og Fabrice Penot opnuðu sína fyrstu verslun í febrúar 2006.

Klassíska lína Le Labo samanstendur af 18 ilmvötnum og hefur merkið fengið mikla athygli og lof fyrir fíngerða en á sama tíma kraftmikla ilmi.

„Umbúðirnar eru líka mjög einstakar og eru nöfn ilmanna tengd þeim ilmnótum sem eru mest áberandi í ilmvatninu,“ segir Einar að lokum.

Hér fyrir neðan má sjá myndir úr fögnuðinum.

Hin glæsilegu Helgi Ómars og Elísabet Gunnars létu sig að sjálfsögðu ekki vanta. 
Jóga- og lífsstílsdrottningin Eva Dögg Rúnarsdóttir. 
Þeir Helgi Ómars og Aron lyktuðu ilmvatnsprufur eins og enginn væri morgundagurinn. 
Hver ilmur heitir nafni þess ilmtóns sem er mest áberandi í ilmnum sem og tölustaf sem segir til um hversu margir ilmir eru notaðir við blöndunina. 
Gestir fjölmenntu á Hverfisgötuna þar sem starfsmaður Le Labo í Danmörku var til staðar til þess að fræða fólk um merkið. 


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.