Lífið

Fyrr­verandi söngvari UB40 látinn

Atli Ísleifsson skrifar
Astro á tónleikum árið 2015.
Astro á tónleikum árið 2015. Getty

Breski söngvarinn Terence Wilson, einnig þekktur sem Astro, er látinn, 64 ára að aldri. Hann var fyrrverandi söngvari og einn stofnenda bresku reggísveitarinnar UB40.

Breskir fjölmiðlar greindu frá því um helgina að Wilson hafi látist eftir stutt veikindi.

Wilson var starfandi innan UB40 allt til ársins 2013 eða þar til hann stofnaði sveitina UB40 featuring Ali Campbell and Astro.

„Heimurinn verður ekki samur án hans,“ segja félagar hans í sveitinni á samfélagsmiðlum.

UB40 var stofnuð í Birmingham árið 1978, en nafn sveitarinnar sóttu þeir í númer á eyðublaði sem atvinnuleitendur fylltu út á bresku vinnumálastofnuninni.

Sveitin naut mikilla vinsælda á sínum tíma, en meðal þekkta laga hennar má nefna Red Red Wine og svo (I Can’t Help) Falling in Love.

Fréttirnar af andláti Wilson koma einungis fáeinum mánuðum eftir andlát Brian Travers, saxófónleikara og lagasmið UB40. Travers lést af völdum krabbameins.

Tónlist Bretland Andlát

Tengdar fréttir

Einn stofn­með­lima UB40 er látinn

Saxófónleikarinn, lagasmiðurinn og liðsmaður bresku reggísveitarinnar UB40, Brian Travers, er látinn, 62 ára að aldri. Hann lést í gær af völdum krabbameins.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.