179 greindust innan­lands í gær

Þetta kemur fram á síðunni Covid.is. Þetta kemur fram á síðunni Covid.is. 1.848 eru nú í einangrun vegna Covid-19, en voru 1.786 í gær. 2.448 eru nú í sóttkví, en voru 2.289 í gær. 217 eru nú í skimunarsóttkví.

25 eru nú inniliggjandi á sjúkrahúsum á landinu vegna Covid-19, samanborið við tuttugu í gær. Þá eru fimm á gjörgæslu vegna Covid-19, en voru fjórir í gær. Á vef Landspítalans segir að 23 sjúklingar liggi á Landspítala vegna COVID-19. Meðalaldur inniliggjandi er 57 ár. Fimm séu á gjörgæslu, fjórir þeirra í öndunarvél. Tíu þeirra 23 sem liggja inni eru bólusettir og þrettán óbólusettir.

Þrettán smit kom upp á landamærunum í gær – ellefu virk smit í fyrri landamæraskimun og er niðurstöðu mótefnamælingar beðið í tilviki tveggja.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 565,6, en var 562,3 í gær. Nýgengi á smiti á landamærum er nú 29,2 en var 29,2 í gær.

Alls hafa 16.435 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 34 andlát verið rakin til Covid-19 hér á landi frá upphafi faraldursins.

Alls voru tekin 1987 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 1.004 sýni tekin á landamærunum eða í seinni landamæraskimun og 554 í svokallaðri sóttkvíar- og handahófsskimun.