Ari Eldjárn fór á kostum í Stóra sviðinu

Steinunn Ólína leggur fyrir þá Auðunn Blöndal og Steinda Jr., fyndnar og fjölbreyttar áskoranir í hverjum þætti.

Í þættinum á föstudaginn mættu þeir Sveppi og Ari Eldjárn sem gestaþátttakendur en Sveppi var að sjálfsögðu með Audda í liði og Ari með Steinda.

Áskorun kvöldsins fólst meðal annars í því að talsetja og framleiða stuttteiknimynd, endurgera frægt atriði úr kvikmyndasögunni og fara með uppistand.

Ari Eldjárn er að margra mati besti uppistandari landsins og því skellti hann sér á sviðið og flutti stórgott uppistand í þættinum eins og sjá má hér að neðan.