Handbolti

Fjórir öruggir sigrar á HM í handbolta

Hjörtur Leó Guðjónsson skrifar
Af þeim sjö leikjum sem spilaðir eru í dag og í kvöld á HM í handbolta kvenna er nú fjórum þeirra lokið.
Af þeim sjö leikjum sem spilaðir eru í dag og í kvöld á HM í handbolta kvenna er nú fjórum þeirra lokið. Dean Mouhtaropoulos/Getty Images

Nú rétt í þessu lauk fjórum leikjum á HM kvenna í handbolta. Leikirnir unnust allir nokkuð örugglega, en minnsti sigur kvöldsins var fimm marka sigur Brasilíu gegn Króatíu í G-riðli, 30-25.

Brasilíska liðið hafði í raun yfirhöndina allan leikinn og liðið byggði upp forskot sitt hægt og rólega í fyrri hálfleik. Þegar gengið var til búningsherbergja var staðan 18-12, Brasilíu í vil.

Brasilísku stelpurnar náðu svo mest níu marka forskoti snemma í seinni hálfleik, en Króatar náðu að saxa lítilega á forystuna og niðurstaðan varð fimm marka sigur Brasilíu, 30-25.

Þá unnu þjóðverjar öruggan tíu marka sigur gegn Tékkum, 31-21, og Austurríki vann sannfærandi ellefu marka sigur gegn Kína, 38-27.

Að lokum unnu stelpurnar frá Suður-Kóreu 14 marka stórsigur gegn Kongó, 37-23, eftir að hafa verið ellefu mörkum yfir í hálfleik.

HM 2021 í handbolta

Mest lesið


Fleiri fréttir

Sjá meira


×

Mest lesið