Handbolti

Danir fóru illa með Túnis | Japan valtaði yfir Paragvæ

Hjörtur Leó Guðjónsson skrifar
Mie Hojlund skoraði fjögur mörk fyrir Dani í kvöld.
Mie Hojlund skoraði fjögur mörk fyrir Dani í kvöld. Jan Christensen / FrontzoneSport via Getty Images

Þá er öllum sjö leikjum dagsins á HM kvenna í handbolta lokið, en nú rétt í þessu lauk seinni þrem leikjum kvöldsins. Danir unnu 18 marka sigur gegn Túnis, Ungverjar tóku öll völd í seinni hálfleik gegn Slóvakíu og Japanir völtuðu yfir Paragvæ með 23 marka mun.

Það var í raun aldrei nein spenna í leik Danmerkur og Túnis, en Danir fóru inn í hálfleikinn með átta marka forystu, 16-8.

Danir héldu svo bara áfram að þjarma að andstæðingum sínum í seinni hálfleik og unnu að lokum afar sannfærandi 18 marka sigur, 34-16.

Svipaða sögu er að segja af leik Japans og Paragvæ. Japanir náðu afgerandi forskoti snemma leiks og fóru inn í hálfleikinn með níu marka forskot, 19-10.

Japanska liði keyrði svo gjörsamlega yfir Paragvæ í seinni hálfleik og vann að lokum 23 marka sigur, 40-17.

Leikur Ungverjalands og Slóvakíu var heldur jafnari en heinir tveir leikir kvöldsins, en þegar gengið var til búningsherbergja var allt jafnt, 16-16.

Ungverska liðið tók svo heldur betur við sér í seinni hálfleik og vann að lokum nokkuð öruggan sex marka sigur, 35-29.

HM 2021 í handbolta

Mest lesið


Fleiri fréttir

Sjá meira


×

Mest lesið