130 greindust innan­lands

Þetta kemur fram á síðunni covid.is. 1.409 eru nú í einangrun vegna Covid-19 samanborið við 1.390 í gær. 2.582 eru nú í sóttkví, en voru 2.442 í gær. 169 eru nú í skimunarsóttkví.

Þrettán eru nú inniliggjandi á sjúkrahúsum á landinu vegna COVID-19, en voru fjórtán í gær. Þá eru tveir á gjörgæslu, voru þrír í gær. Meðalaldur inniliggjandi á Landspítala er 63 ár. 

Fjórtán smit kom upp á landamærunum í gær – tíu virk smit í fyrri landamæraskimun og er niðurstöðu mótefnamælingar beðið í tilviki fjögurra.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 459,2, en var 462,0 í gær. Nýgengi á smiti á landamærum er nú 29,7 samanborið við 30,0 í gær.

Alls hafa 19.861 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 36 andlát verið rakin til COVID-19 hér á landi frá upphafi faraldursins.

Alls voru tekin 1571 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá var 901 sýni tekin á landamærunum eða í seinni landamæraskimun og 846 í svokallaðri sóttkvíar- og handahófsskimun.