Koma upp eftirlitsmyndavélum hjá blóðbændum Óttar Kolbeinsson Proppé skrifar 19. desember 2021 21:10 Arnþór Guðlaugsson, framkvæmdastjóri Ísteka, hefur ekki viljað veita viðtöl frá því að heimildarmynd alþjóðlega dýraverndunarsamtaka um blóðmerahald kom út fyrir mánuði síðan. vísir/elín/SKJÁSKOT/TSB TIERSCHUTZBUND ZURICH Framkvæmdastjóri Ísteka segir að líftæknifyrirtækið hafi nú hrint af stað umbótaáætlun vegna frétta sem komu fram í síðasta mánuði um illa meðferð á blóðmerum. Framvegis verði tekið upp myndavélaeftirlit hjá blóðbændum sem fyrirtækið skiptir við og þá ætli Ísteka sér að auka fræðslu til bænda. Einnig verði hryssur framvegis sérvaldar með tilliti til skapgerðar. Þær hryssur sem ekki henti til blóðgjafar verði teknar úr stóðum. Arnþór Guðlaugsson, framkvæmdastjóri Ísteka, greindi frá þessu í skoðunargrein sem hann birti hér á Vísi í kvöld. Hann hefur ekki viljað veita fréttastofu viðtal frá því að heimildarmynd alþjóðlegu dýraverndunarsamtakanna TSB Tierschutzbund Zurich og AWF Animal Welfare Foundation birtu heimildarmynd um blóðmerahald á Íslandi. Í myndinni má sjá mjög slæma meðferð á hrossunum, þar sem þau eru lokuð inni í þröngri stíu og merarnar meðal annars slegnar og barðar með prikum. Í grein sinni gerir Arnþór þó lítið úr myndinni: „Blóðsöfnun á hverjum bæ tekur marga klukkutíma. Myndefni samtakanna sem birt hefur verið sýnir aðeins nokkrar sekúndur og vissulega óverjandi meðferð, sem Ísteka brást við þegar í stað og málið kom upp. Það liggur einnig fyrir að umrædd samtök hafa farið afar frjálslega með ýmsar staðreyndir og hreinar rangfærslur í sumum tilfellum,“ skrifar hann en fer ekki nánar út í hverjar rangfærslurnar séu. Blóðbændur ósáttir við Ísteka Blóðbændur hittust á fundi síðasta þriðjudag í Njálsbúð. Öllum þingmönnum Suðurkjördæmis var boðið að sækja fundinn en enginn þeirra mætti nema Ásmundur Friðriksson, þingmaður Sjálfstæðisflokksins. Hann sagði hljóðið í bændum á fundinum hafa verið þungt. Samkvæmt heimildum fréttastofu komu þar fram hve ósáttir blóðbændur væru með að vera allir settir undir sama hatt í allri umfjöllun af málinu. Þeir eru þá líka margir afar ósáttir með öll viðbrögð Ísteka eftir að heimildarmyndin birtist en fyrirtækið sleit viðskiptasambandi við þá bændur sem komu fram í myndinni. Enginn sem er í forsvari fyrir fyrirtækið hefur veitt viðtöl vegna málsins en í stað þess birt fréttatilkynningar og nú síðast grein Arnþórs. Mörg hundruð blóðmerar Ísteka framleiðir frjósemislyf úr merarblóði en lyfið er einkum notað í svínarækt erlendis. Sjálft rekur fyrirtækið þrjár bújarðir þar sem blóðtaka er stunduð og átti 283 hryssur sem voru í blóðtöku á þessu ári. Fyrirtækið á þá í samstarfi við 119 bændur á landinu um blóðtöku hryssa. Af grein framkvæmdastjórans má skilja að of mikið hafi jafnvel verið gert úr málinu eftir heimildarmyndina þó vissulega taki Ísteka það alvarlega, enda hafi fyrirtækið slitið viðskiptasambandi við þá tvo bæi þar sem ill meðferð á blóðmerum var sýnd í myndinni, eða þar sem upp hafa komið „frávik frá dýravelferð“ eins og fyrirtækið orðar það iðulega. „Þjóðfélagsumræðan um frávik á dýravelferð á tveimur bæjum hefur nú að ósekju selt alla bændur búgreinarinnar undir sömu sök. Þrátt fyrir ríkt eftirlit Ísteka með blóðtöku varð umræddra frávika ekki vart í eftirlitinu. Af þeim sökum hefur félagið ákveðið að endurskoða framkvæmdina og auka eftirlitið enn frekar til að fyrirbyggja algjörlega að slíkt geti komið upp aftur,“ skrifar Arnþór. Þá fullyrðir hann að margítrekaðar rannsóknir á hryssum sýni að blóðgjafir hafi engin neikvæð áhrif á heilsu þeirra og að fyl þeirra þroskist eðlilega og folöldin sömuleiðis. Ísteka hefur þó aldrei birt niðurstöður úr rannsóknum sínum á blóðmerunum. Strengri reglur úti Ole Anton Bieltvedt, stofnandi og formaður Jarðarvina, samtaka um dýra-, náttúru- og umhverfisvernd, benti á það í grein á Vísi í dag að almennt blóðmerahald væri ekki stundað í öðrum Evrópulöndum vegna laga um dýravernd og dýravelferð. Í Þýskalandi sé til dæmis bannað að að framkvæma blóðtöku á hryssu, sem er fylfull eða nýbúin að kasta folaldi og er enn mjólkandi. Slík blóðtaka er stunduð hér á landi. Einnig eru þar ströng skilyrði fyrir blóðtökum; um að hryssur séu minnst þriggja ára, ekki undir 400 kílóum að þyngd og að ekki sé tekið oftar blóð en á þrjátíu daga fresti. Á sjötta þúsund hafa nú skrifað undir lista þar sem skorað er á stjórnvöld að banna blóðmerahald á Íslandi. Blóðmerahald Dýraheilbrigði Hestar Mest lesið Stúlkan sem fór í sjóinn er látin Innlent Landsvirkjun sé ekki „löngu búin að semja“ við alla landeigendur Innlent Grunaður um að myrða heila fjölskyldu en skilja ungabarnið eftir á lífi Erlent Beinaber gísl látinn grafa eigin gröf á Gasa Erlent Fagna afmæli virkjunar sem sökkti sveitajörðum en rafvæddi síldarbæ Innlent Vestmanneyingar „slógu velferðarskjaldborg“ yfir gesti Innlent Kvenfólkið í Eyjum bjargaði deginum Innlent Stúlka í sjóinn við Reynisfjöru Innlent Aldrei upplifað annað eins: „Það eru öll stígvél á þessari eyju uppseld“ Innlent Að bugast á hálf nöktum ferðamönnum og beita sektum Erlent Fleiri fréttir Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Sjá meira
Einnig verði hryssur framvegis sérvaldar með tilliti til skapgerðar. Þær hryssur sem ekki henti til blóðgjafar verði teknar úr stóðum. Arnþór Guðlaugsson, framkvæmdastjóri Ísteka, greindi frá þessu í skoðunargrein sem hann birti hér á Vísi í kvöld. Hann hefur ekki viljað veita fréttastofu viðtal frá því að heimildarmynd alþjóðlegu dýraverndunarsamtakanna TSB Tierschutzbund Zurich og AWF Animal Welfare Foundation birtu heimildarmynd um blóðmerahald á Íslandi. Í myndinni má sjá mjög slæma meðferð á hrossunum, þar sem þau eru lokuð inni í þröngri stíu og merarnar meðal annars slegnar og barðar með prikum. Í grein sinni gerir Arnþór þó lítið úr myndinni: „Blóðsöfnun á hverjum bæ tekur marga klukkutíma. Myndefni samtakanna sem birt hefur verið sýnir aðeins nokkrar sekúndur og vissulega óverjandi meðferð, sem Ísteka brást við þegar í stað og málið kom upp. Það liggur einnig fyrir að umrædd samtök hafa farið afar frjálslega með ýmsar staðreyndir og hreinar rangfærslur í sumum tilfellum,“ skrifar hann en fer ekki nánar út í hverjar rangfærslurnar séu. Blóðbændur ósáttir við Ísteka Blóðbændur hittust á fundi síðasta þriðjudag í Njálsbúð. Öllum þingmönnum Suðurkjördæmis var boðið að sækja fundinn en enginn þeirra mætti nema Ásmundur Friðriksson, þingmaður Sjálfstæðisflokksins. Hann sagði hljóðið í bændum á fundinum hafa verið þungt. Samkvæmt heimildum fréttastofu komu þar fram hve ósáttir blóðbændur væru með að vera allir settir undir sama hatt í allri umfjöllun af málinu. Þeir eru þá líka margir afar ósáttir með öll viðbrögð Ísteka eftir að heimildarmyndin birtist en fyrirtækið sleit viðskiptasambandi við þá bændur sem komu fram í myndinni. Enginn sem er í forsvari fyrir fyrirtækið hefur veitt viðtöl vegna málsins en í stað þess birt fréttatilkynningar og nú síðast grein Arnþórs. Mörg hundruð blóðmerar Ísteka framleiðir frjósemislyf úr merarblóði en lyfið er einkum notað í svínarækt erlendis. Sjálft rekur fyrirtækið þrjár bújarðir þar sem blóðtaka er stunduð og átti 283 hryssur sem voru í blóðtöku á þessu ári. Fyrirtækið á þá í samstarfi við 119 bændur á landinu um blóðtöku hryssa. Af grein framkvæmdastjórans má skilja að of mikið hafi jafnvel verið gert úr málinu eftir heimildarmyndina þó vissulega taki Ísteka það alvarlega, enda hafi fyrirtækið slitið viðskiptasambandi við þá tvo bæi þar sem ill meðferð á blóðmerum var sýnd í myndinni, eða þar sem upp hafa komið „frávik frá dýravelferð“ eins og fyrirtækið orðar það iðulega. „Þjóðfélagsumræðan um frávik á dýravelferð á tveimur bæjum hefur nú að ósekju selt alla bændur búgreinarinnar undir sömu sök. Þrátt fyrir ríkt eftirlit Ísteka með blóðtöku varð umræddra frávika ekki vart í eftirlitinu. Af þeim sökum hefur félagið ákveðið að endurskoða framkvæmdina og auka eftirlitið enn frekar til að fyrirbyggja algjörlega að slíkt geti komið upp aftur,“ skrifar Arnþór. Þá fullyrðir hann að margítrekaðar rannsóknir á hryssum sýni að blóðgjafir hafi engin neikvæð áhrif á heilsu þeirra og að fyl þeirra þroskist eðlilega og folöldin sömuleiðis. Ísteka hefur þó aldrei birt niðurstöður úr rannsóknum sínum á blóðmerunum. Strengri reglur úti Ole Anton Bieltvedt, stofnandi og formaður Jarðarvina, samtaka um dýra-, náttúru- og umhverfisvernd, benti á það í grein á Vísi í dag að almennt blóðmerahald væri ekki stundað í öðrum Evrópulöndum vegna laga um dýravernd og dýravelferð. Í Þýskalandi sé til dæmis bannað að að framkvæma blóðtöku á hryssu, sem er fylfull eða nýbúin að kasta folaldi og er enn mjólkandi. Slík blóðtaka er stunduð hér á landi. Einnig eru þar ströng skilyrði fyrir blóðtökum; um að hryssur séu minnst þriggja ára, ekki undir 400 kílóum að þyngd og að ekki sé tekið oftar blóð en á þrjátíu daga fresti. Á sjötta þúsund hafa nú skrifað undir lista þar sem skorað er á stjórnvöld að banna blóðmerahald á Íslandi.
Blóðmerahald Dýraheilbrigði Hestar Mest lesið Stúlkan sem fór í sjóinn er látin Innlent Landsvirkjun sé ekki „löngu búin að semja“ við alla landeigendur Innlent Grunaður um að myrða heila fjölskyldu en skilja ungabarnið eftir á lífi Erlent Beinaber gísl látinn grafa eigin gröf á Gasa Erlent Fagna afmæli virkjunar sem sökkti sveitajörðum en rafvæddi síldarbæ Innlent Vestmanneyingar „slógu velferðarskjaldborg“ yfir gesti Innlent Kvenfólkið í Eyjum bjargaði deginum Innlent Stúlka í sjóinn við Reynisfjöru Innlent Aldrei upplifað annað eins: „Það eru öll stígvél á þessari eyju uppseld“ Innlent Að bugast á hálf nöktum ferðamönnum og beita sektum Erlent Fleiri fréttir Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Sjá meira