Tímasetningar íslensku leikjanna í milliriðli EM eru klárar

Íslenska landsliðið er í milliriðli með Danmörku, Frakklandi, Króatíu og Svartfjallalandi en leikirnir halda áfram að fara fram á tveggja daga fresti eins og í riðlinum.

Íslensku strákarnir spila á öllum tímum í milliriðlinum. Fyrsti leikurinn verður á móti Dönum klukkan 19.30 á fimmtudagskvöldið en liðið spilar síðan við Frakka klukkan 17.00 á laugardaginn.

Tveir síðustu leikir íslenska liðsins fara síðan báðir fram klukkan 14.30 í næstu viku, sá fyrri á móti Króatía á mánudaginn 24. janúar og sá síðari á sama tíma á miðvikudaginn 26. janúar.

Það er spurning hvort fyrirtæki geri starfsmönnum sínum mögulegt að horfa á leikina í næstu viku en þar gæti mögulega verið sæti í undanúrslitum keppninnar í húfi.