Gagnrýna að unglingum sé kennt að „kyrkja hvert annað í nafni kynfrelsis“ Fanndís Birna Logadóttir skrifar 27. janúar 2022 10:33 Hanna Björg er ein þeirra sem hefur gagnrýnt Siggu Dögg kynfræðing fyrir að kenna unglingum kyrkingar í kynlífi. Vísir Kynjafræðikennarar gagnrýna harðlega að kyrkingar séu kenndar í skólum landsins sem hluti af kynfræðslu og beina spjótum sínum að Siggu Dögg kynfræðingi. Kynfræðsla snúist ekki um að kenna börnum að kyrkja eða láta kyrkja sig. Fullorðnu fólki beri skylda til að bregðast við þegar klámvæðingin blasir við börnum með þessum hætti. „Hvernig líst þér á að fá einhvern til að kyrkja barnið þitt? Væri kannski betri hugmynd að fá skólakerfið til að kenna krökkunum okkar að kyrkja hvert annað, svo að þau geri það örugglega rétt?“ Þetta segir meðal annars í aðsendri grein kynjafræðikennaranna Hönnu Björgu Vilhjálmsdóttur og Maríu Hjálmtýsdóttur sem birtist á Vísi í gær. Greinin var undir yfirskriftinni „Klám, kyrkingar og kynlíf“ og er þar spjótum beint að ónafngreindum kynfræðingi. Hanna og María staðfesta í samtali við Vísi að umræddur kynfræðingur sé Sigríður Dögg Arnardóttir, sem er yfirleitt kölluð Sigga Dögg, og hefur síðustu ár séð um kynfræðslu í skólum landsins. Þær gagnrýna harðlega ummæli sem Sigga Dögg hefur látið falla undanfarið um kyrkingar eða svokallað „breath play“ í kynferðislegum tilgangi. Í greininni er vísað til þess að kynferðisofbeldi hafi verið mikið til umræðu undanfarin misseri og hefur skólakerfið brugðist við ákalli samfélagsins um kynfræðslu til að vernda börnin. Þlr segja opinskáa umræðu um kynlíf bráðnauðsynlega en mörk séu þar á og hinir fullorðnu beri þar ákveðna skyldu. „Okkur ber til dæmis skylda til að segja eitthvað þegar aðkeypti kynfræðarinn valsar um allt land og kennir unglingunum okkar að kyrkja hvert annað í nafni kynfrelsis,“ segir í grein Maríu og Hönnu. „Okkur ber skylda til að hafa á því skoðun þegar áhrifavaldur fræðir börnin okkar sem eru mörg hver að feta sín fyrstu skref sem kynverur, um hvernig þau geta á sem áhrifaríkastan hátt apað allt eftir sem þau sjá í kláminu sem bókstaflega tröllríður tilveru þeirra, oft með ömurlegum afleiðingum, bara ef þau ,,tala saman og fá samþykki“,“ segja þær enn fremur. Útskýrir kyrkingar fyrir grunnskóla- og framhaldsnemum Sigga Dögg hefur á samfélagsmiðlum áður talað sérstaklega um að „kenna“ fólki kyrkingar og segist hún hafa stundum rætt slíkt við nemendur tíunda bekkjar í grunnskóla og alltaf við nemendur í framhaldsskóla. „Ég leyfi krökkunum oft að velja á milli hvort ég eigi að útskýra það að rassskella eða svona kyrkingu […] út frá virku samþykki, bæði þann sem er að þrengja að og hjá þeim sem er þrengt að, og krakkarnir eru yfirleitt alveg súper áhugasamir. Ég útskýri nákvæmlega hvað felst í þessu og hvað felst ekki í þessu,“ segir Sigga Dögg í einu myndbandi sem María bendir á. „Ég hef fundið að það er mikill áhugi fyrir þessu og þetta má ekki verða tabú,“ segir Sigga Dögg í myndbandinu og bendir á að þetta sé ekki nýtt af nálinni þar sem hún hafi sjálf heyrt um slíkt þegar hún var unglingur. „En var kennt um þetta? Nei það var ekki. Þannig bættir og breyttir tímar gott fólk.“ Kynfræðsla eigi ekki að snúast um kyrkingar Hanna og María benda á að þessi hegðun geti reynst hættuleg og því sé það á ábyrgð fullorðna að vita betur. „Þegar börn hafa leikið sér að því að loka öndunarvegi hvers annars eða sínum eigin ber okkur skylda til að bregðast við af festu og stöðva þau áður en illa fer,“ segja þær og benda á eitt tilfelli í Noregi þar sem ungur drengur lést í slíkum „leik.“ „Kyrkingar, jafnvel þegar þær eru dulbúnar sem kynferðislegur leikur undir nöfnum eins og „breath play“, eru lífshættulegar.“ Að þeirra sögn er klám og klámvæðing að ræna börnin þau frelsi sem þau þarfnast til að þroskast og dafna sem kynverur á eigin forsendum. Sá sem fái fróun út úr því að beita eða horfa á aðra beita ofbeldi eigi að skammast sín, og sömuleiðis sá sem hefur lífsviðurværi af því að kenna börnunum að það sé í lagi að kyrkja hvert annað, sé það gert rétt. „Kynfræðsla er ekki kennsla í að fá sem öfgafyllstar fullnægingar og hún á svo sannarlega ekki að snúast um að kenna börnunum okkar að kyrkja eða láta kyrkja sig. Þarf einhver að láta lífið til að við áttum okkur á því?“ Kynlíf Börn og uppeldi Kynferðisofbeldi Skóla - og menntamál Mest lesið Hefja söfnun fyrir fjölskyldu Víglunds Innlent Hinn látni erlendur ríkisborgari á þrítugsaldri Innlent Þekkir ekki eina stelpu sem ekki hefur verið áreitt Innlent Borðaði súrdeigsbrauð og mældist með áfengi í útblæstri Innlent Hefur skilning á báðum sjónarmiðum í Heiðmerkurmálinu Innlent Lækkandi fæðingartíðni er vandamál sem leysist ekki án innflytjenda Innlent Umferðartafir vegna framkvæmda við Kringlumýrarbraut í sumar Innlent Býður til flugveislu á Reykjavíkurflugvelli Innlent Bað um 12 milljónir til að halda tónlistarhátíð í öðru sveitarfélagi Innlent Segja ógnarstjórn ríkja á Þjóðminjasafninu Innlent Fleiri fréttir Hefja söfnun fyrir fjölskyldu Víglunds Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Færa boðuð gagnmótmæli gegn rasisma vegna ofbeldisógnar Telja manninn hafa örmagnast við sjósundsæfingar Sjá meira
„Hvernig líst þér á að fá einhvern til að kyrkja barnið þitt? Væri kannski betri hugmynd að fá skólakerfið til að kenna krökkunum okkar að kyrkja hvert annað, svo að þau geri það örugglega rétt?“ Þetta segir meðal annars í aðsendri grein kynjafræðikennaranna Hönnu Björgu Vilhjálmsdóttur og Maríu Hjálmtýsdóttur sem birtist á Vísi í gær. Greinin var undir yfirskriftinni „Klám, kyrkingar og kynlíf“ og er þar spjótum beint að ónafngreindum kynfræðingi. Hanna og María staðfesta í samtali við Vísi að umræddur kynfræðingur sé Sigríður Dögg Arnardóttir, sem er yfirleitt kölluð Sigga Dögg, og hefur síðustu ár séð um kynfræðslu í skólum landsins. Þær gagnrýna harðlega ummæli sem Sigga Dögg hefur látið falla undanfarið um kyrkingar eða svokallað „breath play“ í kynferðislegum tilgangi. Í greininni er vísað til þess að kynferðisofbeldi hafi verið mikið til umræðu undanfarin misseri og hefur skólakerfið brugðist við ákalli samfélagsins um kynfræðslu til að vernda börnin. Þlr segja opinskáa umræðu um kynlíf bráðnauðsynlega en mörk séu þar á og hinir fullorðnu beri þar ákveðna skyldu. „Okkur ber til dæmis skylda til að segja eitthvað þegar aðkeypti kynfræðarinn valsar um allt land og kennir unglingunum okkar að kyrkja hvert annað í nafni kynfrelsis,“ segir í grein Maríu og Hönnu. „Okkur ber skylda til að hafa á því skoðun þegar áhrifavaldur fræðir börnin okkar sem eru mörg hver að feta sín fyrstu skref sem kynverur, um hvernig þau geta á sem áhrifaríkastan hátt apað allt eftir sem þau sjá í kláminu sem bókstaflega tröllríður tilveru þeirra, oft með ömurlegum afleiðingum, bara ef þau ,,tala saman og fá samþykki“,“ segja þær enn fremur. Útskýrir kyrkingar fyrir grunnskóla- og framhaldsnemum Sigga Dögg hefur á samfélagsmiðlum áður talað sérstaklega um að „kenna“ fólki kyrkingar og segist hún hafa stundum rætt slíkt við nemendur tíunda bekkjar í grunnskóla og alltaf við nemendur í framhaldsskóla. „Ég leyfi krökkunum oft að velja á milli hvort ég eigi að útskýra það að rassskella eða svona kyrkingu […] út frá virku samþykki, bæði þann sem er að þrengja að og hjá þeim sem er þrengt að, og krakkarnir eru yfirleitt alveg súper áhugasamir. Ég útskýri nákvæmlega hvað felst í þessu og hvað felst ekki í þessu,“ segir Sigga Dögg í einu myndbandi sem María bendir á. „Ég hef fundið að það er mikill áhugi fyrir þessu og þetta má ekki verða tabú,“ segir Sigga Dögg í myndbandinu og bendir á að þetta sé ekki nýtt af nálinni þar sem hún hafi sjálf heyrt um slíkt þegar hún var unglingur. „En var kennt um þetta? Nei það var ekki. Þannig bættir og breyttir tímar gott fólk.“ Kynfræðsla eigi ekki að snúast um kyrkingar Hanna og María benda á að þessi hegðun geti reynst hættuleg og því sé það á ábyrgð fullorðna að vita betur. „Þegar börn hafa leikið sér að því að loka öndunarvegi hvers annars eða sínum eigin ber okkur skylda til að bregðast við af festu og stöðva þau áður en illa fer,“ segja þær og benda á eitt tilfelli í Noregi þar sem ungur drengur lést í slíkum „leik.“ „Kyrkingar, jafnvel þegar þær eru dulbúnar sem kynferðislegur leikur undir nöfnum eins og „breath play“, eru lífshættulegar.“ Að þeirra sögn er klám og klámvæðing að ræna börnin þau frelsi sem þau þarfnast til að þroskast og dafna sem kynverur á eigin forsendum. Sá sem fái fróun út úr því að beita eða horfa á aðra beita ofbeldi eigi að skammast sín, og sömuleiðis sá sem hefur lífsviðurværi af því að kenna börnunum að það sé í lagi að kyrkja hvert annað, sé það gert rétt. „Kynfræðsla er ekki kennsla í að fá sem öfgafyllstar fullnægingar og hún á svo sannarlega ekki að snúast um að kenna börnunum okkar að kyrkja eða láta kyrkja sig. Þarf einhver að láta lífið til að við áttum okkur á því?“
Kynlíf Börn og uppeldi Kynferðisofbeldi Skóla - og menntamál Mest lesið Hefja söfnun fyrir fjölskyldu Víglunds Innlent Hinn látni erlendur ríkisborgari á þrítugsaldri Innlent Þekkir ekki eina stelpu sem ekki hefur verið áreitt Innlent Borðaði súrdeigsbrauð og mældist með áfengi í útblæstri Innlent Hefur skilning á báðum sjónarmiðum í Heiðmerkurmálinu Innlent Lækkandi fæðingartíðni er vandamál sem leysist ekki án innflytjenda Innlent Umferðartafir vegna framkvæmda við Kringlumýrarbraut í sumar Innlent Býður til flugveislu á Reykjavíkurflugvelli Innlent Bað um 12 milljónir til að halda tónlistarhátíð í öðru sveitarfélagi Innlent Segja ógnarstjórn ríkja á Þjóðminjasafninu Innlent Fleiri fréttir Hefja söfnun fyrir fjölskyldu Víglunds Borðaði súrdeigsbrauð og mældist með áfengi í útblæstri Hefur skilning á báðum sjónarmiðum í Heiðmerkurmálinu Þekkir ekki eina stelpu sem ekki hefur verið áreitt Umferðartafir vegna framkvæmda við Kringlumýrarbraut í sumar Hinn látni erlendur ríkisborgari á þrítugsaldri Býður til flugveislu á Reykjavíkurflugvelli Sóttu veikan mann í rússneskan togara Lækkandi fæðingartíðni er vandamál sem leysist ekki án innflytjenda Rannsókn lokið í manndrápsmáli Lögðu hald á nokkuð magn fíkniefna og hnífa Sláandi tölur: Kyrkingartökum og eltihrellum fer fjölgandi Mætti með steikarhníf á leikskóla Kyrkingartök og elltihrellahegðun fara vaxandi og myndband af áreitni í miðborginni Grill í ljósum logum úti á svölum Vilja endurbyggja verkstæðið en nágrannar mótmæla harðlega Margra kílómetra bílaröð eftir árekstur á Vesturlandsvegi Halda framkvæmdastjóra Félagsbústaða þrátt fyrir alvarlegt vantraust Telja að maðurinn sé fundinn „Þetta er mjög þungt og erfitt“ „Ég vara mjög við því að menn beiti þessu úrræði“ „Verið að búa til óseðjandi kerfi þar sem bátum mun fjölga“ Eldur kviknaði í vörubíl á Reykjanesbraut Bað um 12 milljónir til að halda tónlistarhátíð í öðru sveitarfélagi „Yndisleg kvöldstund í þessum þunga harmi okkar“ Leit hefst á ný eftir hádegi Klúðursleg rannsókn lögreglu leiddi til sýknu skipstjóra Reknir fyrir að vinna ekki nógu mikið Færa boðuð gagnmótmæli gegn rasisma vegna ofbeldisógnar Telja manninn hafa örmagnast við sjósundsæfingar Sjá meira