Banaslys útskýrir örið á andlitinu

Þeir sem hafa ekki séð þættina ætti í raun að hætta að lesa núna og skoða ekki myndskeiðið sem fylgir.

Eitt atriði vakti sérstaka athygli í síðasta þætti og var þegar farið var aftur í tímann til aldamóta þar sem Salomon og Aldís eru saman að skemmta sér með ungmennum á svæðinu. Mæður þeirra mæta á svæðið og taka börnin heim með miklum látum. Í atriðinu kemur í raun í ljós af hverju Salomon er með ör á andlitinu og lögreglubúningur móður hans sést aftur. Atriðið er ekki fyrir viðkvæma. Hér að neðan má sjá atriði úr næstsíðasta þættinum en lokaþátturinn er nú þegar kominn inn á Stöð+. Hann verður í línulegri dagskrá næsta sunnudag á Stöð 2.

Í hlaðvarpinu Sandkorn ræða kvikmyndagerðarmaðurinn Baldvin Z og bíófíkillinn Tómas Valgeirsson fjórða þáttinn. Serían er við það að klárast um var næstsíðasti þátturinn sýndur á Stöð 2 á sunnudagskvöldið.

Í hlaðvarpinu er rætt um hvað það sé nauðsynlegt fyrir seríuna í heild sinni að stíga til baka til að geta komist lengra áfram. Í sjöunda þætti Svörtu sanda er horft aftur til fortíðar og hrært vandlega í tímalínum til að varpa nánara ljósi á ógnina sem herjar á Anítu, fjölskyldu hennar og teymi innan bæjarins. Á meðan brátt líður að stóra lokasprettinum kafa þeir Tómas og Baldvin út í sífjölgandi mömmu-issjú seríunnar, mynstur fjöldamorðingja og hvað stóru flassbakk-senurnar segja okkur í raun um framvinduna liðnu og klæmaxinn handan við hornið. Þar ræða þeir einnig um atriðið sem sjá má hér að ofan.