Elvar og félagar töpuðu naumlega í botnbaráttuslag

Gestirnir í Limoges voru sterkari aðilinn í fyrri hálflek og tóku forystuna. Þegar flautað var til hálfleiks var staðan 14-10, Limoges í vil.

Heimamenn í Nancy náðu vopnum sínum í síðari hálfleik og voru hársbreidd frá því að taka í það minnsta stig úr leiknum. Munurinn var aðeins eitt mark þegar komið var fram á lokamínútuna, en gestirnir í Limoges skoruðu lokamarkið og unnu að lokum tveggja merka sigur, 29-27.

Elvar og félagar sitja enn í 16. og neðsta sæti deildarinnar með fjögur stig eftir 15 leiki. Limoges flaug hins vegar upp um tvö sæti með sigrinum og vermir nú 12. sætið með tíu stig.