Nýtt met: 2.489 greindust innanlands í gær

Frá þessu segir á síðunni covid.is. 10.433 eru nú í einangrun vegna Covid-19 samanborið við 10.160 í gær. 201 er í skimunarsóttkví. Karlmaður á sextugsaldri lést með Covid-19 á gjörgæslu Landspítalans í gær.

Aldrei hafa fleiri greinst með Covid-19 á einum degi en fyrra met var slegið 8. febrúar þegar 2.254 greindust.

54 eru nú á sjúkrahúsi með Covid-19, en voru 53 í gær. Þrír eru á gjörgæslu, en voru tveir í gær.

Alls voru 4.841 einkennasýni greindi í gær og 1.123 landamærasýni.

96.963 hafa nú greinst með kórónuveiruna hér á landi frá upphafi faraldursins í febrúar 2020. 26 prósent íbúa hafa nú greinst með Covid-19. 58 hafa látist á Íslandi með COVID-19 frá upphafi faraldursins að því er fram kemur á Covid.is