Handbolti

Elvar og félagar sóttu loksins stig

Hjörtur Leó Guðjónsson skrifar
Elvar Ásgeirsson og félagar hans í Nancy sóttu kærkomið stig í kvöld.
Elvar Ásgeirsson og félagar hans í Nancy sóttu kærkomið stig í kvöld. Kolektiff Images/DeFodi Images via Getty Images

Elvar Ásgeirsson og félagar hans í Nancy sóttu langþráð stig er liðið heimsótti Nimes í frönsku úrvalsdeildinni í handbolta í kvöld. Lokatölur urðu 29-29, en Elvar og félagar sitja enn á botni deildarinnar.

Eins og lokatölurnar gefa til kynna var leikurinn í miklu jafnvægi frá upphafi til enda. Hvorugu liðinu tókst að hrista andstæðingana af sér, en þegar flautað var til hálfleiks var staðan 15-15.

Það sama var uppi á teningnum í síðari hálfleik og niðurstaðan varð að lokum jafntefli, 29-29.

Elvar og félagar sitja eins og áður segir á botni frönsku deildarinnar með fimm stig eftir 19 leiki, þremur stigum frá öruggu sæti. Nimes situr hins vegar í áttunda sæti deildarinnar með 18 stig.

Franski handboltinn

Mest lesið


Fleiri fréttir

Sjá meira


×

Mest lesið