Þetta kemur fram í ársreikningi OR sem nýlega var lagður fram. Bjarni var með 2,658 milljónir á mánuði árið 2020 og nemur því hækkunin sjö milljónum á ári. Helsti eigandi Orkuveitunnar er Reykjavíkurborg sem á tæp 94 prósent í fyrirtækinu. Aðrir eigendur eru Akraneskaupstaður og svo Borgarbyggð.
„Nú þegar við sjáum út úr faraldrinum er mér efst í huga þakklæti til starfsfólks fyrirtækjanna í Orkuveitusamstæðunni. Á síðustu tveimur árum vitum við ekki um neinn brest á okkar mikilvægu grunnþjónustu sem rekja megi til faraldursins og við vitum ekki um neitt tilvik hópsýkingar meðal starfsfólksins,“ segir Bjarni í tilkynningu sem lesa má á heimasíðu Orkuveitunnar. En þar er ársreikningnum fylgt úr hlaði. Ljóst má vera að starfsmenn hafa haft í mörg horn að líta í miðjum heimsfaraldri.
Athygli vekur að laun níu framkvæmdastjóra, forstjóra og stjórna hjá Orkuveitunni og dótturfélögum nema 300 milljónum króna árlega. Fjárhagsleg afkoma OR reyndist góð 2021 og njóta starfsmenn þess nú. Árreikningurinn hefur verið samþykktur af stjórn en hann ber með sér að 12 milljarða hagnaður var af rekstrinum.
