Parið Nökkvi Fjalar og Embla Wigum skelltu sér í paraferð til Parísar þar sem þau eru stödd þessa dagana að njóta borg ástarinnar. Parið byrjaði nýlega saman eftir að hafa upphaflega flutt til London sem vinir og viðskiptafélagar.
Ástin virðist hafa byrjað að blómstra hjá þeim úti þar sem þau vinna bæði fyrir SWIPE.
„Við erum að stofna SWIPE Media út í Bretlandi, sem ég er búin að vera að vinna með í 2 ár núna, og við byrjuðum að tala í janúar í fyrra um það að flytja út saman,“
sagði Embla í viðtali við Stökkið á Vísi á dögunum. Á samfélagsmiðlum þeirra má sjá þau drekka í sig menningu borgarinnar, heimsækja Louvre og skoða Eiffel turninn.
Embla Wigum er hæfileikabúnt en efnið sem hún gefur frá sér er uppfullt af sköpunargáfu og er mikill metnaður lagður í framleiðsluna. Hún er búsett í London sem hún féll fyrir þegar hún bjó þar í hálft ár aðeins fimmtán ára gömul.
Frumkvöðullinn Nökkvi Fjalar Orrason er um þessar mundir búsettur í London en það er staður sem hann hefur dreymt um að búa á síðan hann man eftir sér.
