Chong hótað lífláti af innbrotsþjófum

Breskir miðlar greina frá þessu í gær en atvikið átti sér stað 16. janúar síðastliðin. „Hann vaknaði upp við þrjá vopnaða grímuklædda menn sem héldu hnífi upp að hálsi hans og skipuðu honum að sækja verðmæti,“ hefur The Sun eftir ónefndum heimildarmanni.

Heimildarmaðurinn segir að þjófarnir vissu alveg hvað þeir voru að gera og hverju þeir væru á eftir. Þeir hafi þekkt leikmanninn með nafni og greinilega þaulvanir. Sennilega hafa þeir rænt aðra leikmenn áður.

Chong, sem nú leikur á láni hjá Birmingham City, er ekki fyrsti knattspyrnumaðurinn í Manchester borg sem brotist hefur verið inn til undanfarið. Frá jólum hefur einnig verið brotist inn til João Cancelo, Jesse Lingard, Paul Pogba og Victor Lindelöf í hrinu innbrota.