Ástarsorg, togstreita og „daddy issues“

Sylvía Rut Sigfúsdóttir skrifar 22. apríl 2022 12:00

Stefanía Pálsdóttir vinnur nú að nýrri plötu. Skjáskot

Stefanía Pálsdóttir frumsýnir í dag sitt fyrsta tónlistarmyndband, við lagið Easy. Lagið er það fyrsta af annarri sólóplötu listakonunnar sem væntanleg er í sumar.

„Lagið Easy fjallar um togstreitur í samböndum og hvernig hlutir sem ættu að vera auðveldir reynast oftast ekki vera svo,“ segir Stefanía um lagið. Stefanía er nemandi á öðru ári í tónsmíðum við Listaháskóla Íslands og UDK í Berlín þar sem hún er búsett.

Klippa: Easy - Stefanía Pálsdóttir

„Platan Monstermilk, sem kemur út í júní, er heildstætt verk þar sem umfjöllunarefnið er hin klassíska ástarsorg, blendnar tilfinningar og „daddy issues“ en titill plötunnar er fenginn úr orðatiltækinu „feed the monster“ sem er í rauninni áminning um að muna eftir því að finna tilfinningaskrímslinu innra með okkur nokkuð heilbrigðan farveg,“

Easy kemur út hjá UnSound, er skotið af Ástu Jónínu Arnardóttur, klipping er eftir Stefaníu og grafík er unnin af Kinnat Sóley. Myndbandið við lagið Easy má sjá hér fyrir neðan.