Niðurlægði Völu og rukkaði fimmtíu þúsund

Skítamix fór af stað á nýjan leik á dögunum og er um að ræða þáttaröð númer tvö. Í þættinum í gær fór Halldór heim til leikkonunnar Völu Kristínar Eiríksdóttur þar sem hún býr við Leifsgötu.

Hún fékk aðstoð við að setja upp loftlista með Dóra og gekk það upp og niður en tókst að lokum. Eitt atriði vakti aftur á móti athygli þegar Vala Kristín sagði sögu af því þegar hún fékk rafvirkja í heimsókn sem endaði með að niðurlægja hana fyrir flísalögn, sem hún gerði sjálf.

Hér að neðan má sjá brot úr þættinum í gærkvöldi.