„Ég var fæddur til að bumpa“

Kolbeinn Tumi Daðason skrifar 10. maí 2022 09:01

Love Guru, sem útvarpsmaðurinn Þórður Helgi Þórðarsson eða Doddi litli er á bak við, elskar svo sannarlega að „bumpa“.

Love Bump 22 er ný útgáfa Love Guru af fyrsta laginu sem Boney M gáfu út, „Baby do ya wanna bump“ sem kom út árið 1975. Love Guru segir að hér sé sungið um þokkafyllsta dans sögunnar, The Bump sem á einmitt 50 ára afmæli um þessar mundir.

„Það kom ekkert annað til greina en að einn þokka fyllsti tónlostamaður landsins myndi heiðra þennan þokkafyllsta dans sögunnar með nýrri útgáfu,“ segir Love Guru þegar hann var spurður út í tilurð þessarar nýju útgáfu.

„Ég hef bumpað nánast frá fæðingu. Ég var fæddur til að bumpa,“ bætti Gúruinn við.

Lagið er uppfullt að gleði og góðu stuði og mun færa „bumpið“ aftur upp á yfirborðið. „Það er löngu kominn tími til þess að koma bumpinu aftur í tísku,“ segir Love Guru.

Með laginu fylgja tvö myndbönd. Annars vegar textamyndband þar sem sjá má fólk bumpa af mikilli erótík in the 70's.

Hins vegar hjólaskauta myndband þar sem allar helstu hjólaskauta stjörnur landsins leika listir sínar ásamt húlla gellu og jögglara. Óþarfi er að deila um að það myndband er án nokkurs vafa það allra besta sem Love Guru hefur sent frá sér.

Hér má sjá myndbandið sem skartar Guru í gervi bakraddarsöngkonu ásamt öðrum aðila sem ekki er þekktur fyrir að syngja bakraddir með Guru.

Tónlist