Handbolti

Haukur Þrastar áfram í undanúrslit Meistaradeildarinnar

Atli Arason skrifar
Haukur Þrastarson er leikmaður Vive Kielce.
Haukur Þrastarson er leikmaður Vive Kielce. EPA-EFE

Haukur Þrastarson og félagar í Vive Kielce eru komnir áfram í undanúrslit Meistaradeildar Evrópu í handbolta eftir átta marka sigur á Montpellier, 30-22.

Kielce vann fyrri leik liðanna með þremur mörkum, 31-28 og fer því áfram eftir samanlagðan sigur, 61-50.

Haukur skoraði eitt mark í leiknum úr sínu eina skoti en Artsem Karalek, leikmaður Kielce, var markahæsti maður vallarins. Karalek skoraði úr öllum af sínum sjö skottilraunum.

Kielce fer því áfram í undanúrslitin þar sem þeir mæta Veszprém en Veszprém sló lið Arons Pálmarssonar, Álaborg, úr leik fyrr í kvöld.

Meistaradeild Evrópu í handbolta karla

Mest lesið


Fleiri fréttir

Sjá meira


×

Mest lesið