Lífið

Tróð óvænt upp á tónleikum og bíður úrskurðar kviðdóms

Ása Ninna Pétursdóttir skrifar
Stórleikarinn Johnny Depp vakti bæði furðu og athygli tónleikagesta þegar hann tróð óvænt upp á tónleikum Jeff Beck á sunnudagskvöldið. 
Stórleikarinn Johnny Depp vakti bæði furðu og athygli tónleikagesta þegar hann tróð óvænt upp á tónleikum Jeff Beck á sunnudagskvöldið.  Getty

Tónleikagestir ráku upp stór augu þegar stórleikarinn Johnny Depp tróð óvænt upp á tónleikum gítarleikarans Jeff Beck's í Yorkshire á sunnudagskvöld. 

Beck er nú á tónleikaferð um Evrópu en á heimasíðu Beck segir hann þá Depp hafa unnið saman að tónlist í dágóðan tíma. 

Lagið Isolation, sem Depp söng á tónleikunum, segir Beck ekki hafa átt að gefa út strax en krefjandi tímar og alvöru „einangrun“ hafi sannfært þá um að núna væri rétti tíminn til að leyfa heiminum að heyra lagið. 

Tímasetningin hefur þó vakið mikla furðu og athygli en hinum frægu réttarhöldum Depp og fyrrverandi eiginkonu hans Amber Heard lauk á föstudaginn og er úrskurðar kviðdóms að vænta í dag, þriðjudag.  

Deilur Johnny Depp og Amber Heard Tónlist Hollywood


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.