Körfubolti

Þessir sextán koma til greina gegn Hollandi

Sindri Sverrisson skrifar
Tryggvi Snær Hlinason er að sjálfsögðu í íslenska hópnum.
Tryggvi Snær Hlinason er að sjálfsögðu í íslenska hópnum. vísir/bára

Craig Pedersen, þjálfari karlalandsliðs Íslands í körfubolta, hefur valið sextán leikmenn til æfinga fyrir leikinn gegn Hollandi í undankeppni HM á föstudaginn. Tólf þeirra verða svo valdir í leikinn.

Leikurinn við Holland er síðasti leikur Íslands á fyrra stigi undankeppni HM en bæði lið eru örugg áfram á seinna stigið, líkt og Ítalía, eftir að fjórða liðinu í riðlinum, Rússlandi, var vísað úr keppni.

Liðin taka hins vegar með sér öll stig úr fyrri hluta undankeppninnar yfir á seinna stigið, þar sem liðin þrjú blandast í riðil með þremur liðum til viðbótar og leika um þrjú laus sæti á HM. Þess vegna gæti sigur gegn Hollandi reynst gulls ígildi fyrir Ísland sem áður hefur unnið útisigur gegn Hollandi og heimasigur gegn Ítalíu í keppninni en tapað á útivelli gegn Ítalíu.

Stórt skarð er fyrir skildi hjá íslenska liðinu vegna meiðsla Martins Hermannssonar sem ekki kemur til með að spila meiri körfubolta á þessu ári.

Æfingahópur Íslands:

  • Elvar Már Friðriksson · Derthona Basket, Ítalíu
  • Haukur Helgi Briem Pálsson · Njarðvík
  • Gunnar Ólafsson · Stjarnan
  • Hilmar Smári Henningsson · Haukar
  • Hilmar Pétursson · Breiðablik
  • Hörður Axel Vilhjálmsson · Keflavík
  • Jón Axel Guðmundsson · Hakro Merlins Crailsheim, Þýskaland
  • Kári Jónsson · Valur
  • Kristinn Pálsson · Grindavík
  • Ólafur Ólafsson · Grindavík
  • Ragnar Ágúst Nathanaelsson · Stjarnan
  • Sigtryggur Arnar Björnsson · Tindastóll
  • Styrmir Snær Þrastarson · Davidson, USA
  • Tryggvi Snær Hlinason · Basket Zaragoza, Spáni
  • Þórir G. Þorbjarnarsson · Landstede Hammers, Hollandi
  • Ægir Þór Steinarsson · Gipuzkoa Basket, Spáni

Þjálfari: Craig Pedersen

Aðstoðarþjálfarar: Baldur Þór Ragnarsson og Hjalti Þór Vilhjálmsson

Körfubolti HM 2023 í körfubolta Landslið karla í körfubolta

Mest lesið


Fleiri fréttir

Sjá meira


×

Mest lesið