Telja líklegt að ráðamenn séu undir áhrifum „undirróðursstarfsemi“ Uber Árni Sæberg skrifar 3. ágúst 2022 11:05 Sigurður Ingi Jóhannsson innviðaráðherra hefur uppi áform um breytingar á lögum um leigubílaakstur. Leigubílstjórar eru ekki ánægðir með þau. Vísir/Vilhelm Tvö félög leigubílstjóra hafa sent frá sér harðorða umsögn um frumvarp innviðaráðherra til laga um leigubifreiðaakstur. Formaður þeirra telur að með frumvarpinu séu lögð drög að lagabreytingum sem munu gera út af við leigubílaakstur hér á landi. Bifreiðastjórafélagið Frami og Bandalag íslenskra leigubifreiðastjóra ítreka fyrri umsagnir sínar um fyrri frumvörp Sigurðar Inga Jóhannessonar um leigubifreiðaakstur. Áður höfðu félögin sagst leggjast alfarið gegn áformum um lagabreytingar og formaður félaganna, Daníel Orri Einarsson segir beinlínis sé kynt undir ofbeldi í garð leigubílstjóra með breytingum á lögum um leigubílaakstur. „Vegna þeirra breytinga sem fram koma í hinu nýja frumvarpi er þó þörf á að gera frekari athugasemdir,“ segir í nýrri umsókn sem Daníel Orri ritar undir fyrir hönd félagsmanna beggja félaganna. Í umsögninni segir að ekki sé annað að sjá en að ráðherra leggi fram drög að lagabreytingum sem munu gera út af við leigubifreiðaakstur hérlendis með því að heimila rekstrarform sem bjóða heim ójafnri samkeppni. Í frumvarpinu sé enn fremur opnað fyrir losarabrag í atvinnugreininni með afnámi vinnuskyldu og takmörkunarsvæða. Ekki tekið tillit til viðhorfa þeirra sem mesta þekkingu hafa „Í engu hefur verið tekið tillit til margháttaðra athugasemda leigubifreiðastjóra við fyrri frumvörp - þeirrar stéttar er eðli máls samkvæmt hefur mesta þekkingu og reynslu í viðkomandi atvinnugrein,“ segir í umsögninni. Þá segir enn fremur að ekki hafi verið horft til afleiðinga sem afregluvæðing leigubifreiðaaksturs hefur haft á hinum Norðurlöndunum. Leigubílstjórar segja þær afleiðingar hörmulegar. „Aftur á móti er frumvarpið sniðið eftir tillögum Viðskiptaráðs Íslands og Samkeppniseftirlitsins og lagt til að fyrirtæki megi starfrækja leigubifreiðar og að engin bönd verði á fjölda bifreiða,“ segir í umsögn. Leigubílsstjórar segja það vekja upp áleitnar spurningar hvers vegna sjónarmiðum samtaka atvinnurekenda sé fylgt til hlítar en röksemdir og ábendingar stéttar leigubifreiðastjóra og Alþýðusambands Íslands hundsaðar. Stjórnvöldum hafi verið í lófa lagið að fá undanþágu Í umsögninni segir að frumvarp innviðaráðherra sé kynnt þannig að óhjákvæmilegt sé að ráðast í breytingar á lögum um leigubílaaksturs vegna þess að eftirlitsstofnun EFTA kalli eftir því. „Íslenskum stjórnvöldum var í lófa lagið að leita undanþága sem þau gerðu ekki. Þau þurfa að svara fyrir eigin mistök í því efni og fá þau leiðrétt - ekki er hægt að leggja ábyrgðina á þeirri yfirsjón á herðar stéttar leigubifreiðastjóra og notenda þeirrar þjónustu er þeir veita,“ segir í umsögninni. Þá segir að Alþýðusamband Íslands hafi leitt að því rök að Íslandi sé ekki skylt samkvæmt samningnum um Evrópska efnahagssvæðið að ganga eins langt í breytingum og lagt er til í frumvarpinu. Hneykslismál Uber ætti að drepa frumvarpið í fæðingu Leigubílstjórar segja að nýjar fréttir af hneykslismálum Uber og áhrifa stjórnenda þeirrar farveitu á stjórnmálamenn og blaðamenn víðs vegar um Evrópu, ættu út af fyrir sig að vera næg ástæða til að falla frá áformum um afregluvæðingu leigubifreiðaaksturs hér á landi. Sér í lagi að koma í veg fyrir að erlendar farveitur nái hér fótfestu. „Líklegt má telja að íslenskir ráðamenn - líkt og ráðamenn víðs vegar annars staðar í álfunni - séu undir áhrifum af undirróðursstarfsemi Uber,“ segir í umsögninni. Umsögn Bifreiðastjórafélagsins Frama og Bandalags íslenskra leigubifreiðastjóra má lesa hér. Leigubílar Ríkisstjórn Katrínar Jakobsdóttur Samgöngur Mest lesið Þjóðhátíðargestum hleypt inn í Herjólfshöll meðan veðrið gengur yfir Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Þjóðhátíð í Eyjum: Farþegafjöldi í Herjólfi komi á óvart Innlent „Ég upplifi þetta sem mikinn yfirgang og ofbeldi“ Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira
Bifreiðastjórafélagið Frami og Bandalag íslenskra leigubifreiðastjóra ítreka fyrri umsagnir sínar um fyrri frumvörp Sigurðar Inga Jóhannessonar um leigubifreiðaakstur. Áður höfðu félögin sagst leggjast alfarið gegn áformum um lagabreytingar og formaður félaganna, Daníel Orri Einarsson segir beinlínis sé kynt undir ofbeldi í garð leigubílstjóra með breytingum á lögum um leigubílaakstur. „Vegna þeirra breytinga sem fram koma í hinu nýja frumvarpi er þó þörf á að gera frekari athugasemdir,“ segir í nýrri umsókn sem Daníel Orri ritar undir fyrir hönd félagsmanna beggja félaganna. Í umsögninni segir að ekki sé annað að sjá en að ráðherra leggi fram drög að lagabreytingum sem munu gera út af við leigubifreiðaakstur hérlendis með því að heimila rekstrarform sem bjóða heim ójafnri samkeppni. Í frumvarpinu sé enn fremur opnað fyrir losarabrag í atvinnugreininni með afnámi vinnuskyldu og takmörkunarsvæða. Ekki tekið tillit til viðhorfa þeirra sem mesta þekkingu hafa „Í engu hefur verið tekið tillit til margháttaðra athugasemda leigubifreiðastjóra við fyrri frumvörp - þeirrar stéttar er eðli máls samkvæmt hefur mesta þekkingu og reynslu í viðkomandi atvinnugrein,“ segir í umsögninni. Þá segir enn fremur að ekki hafi verið horft til afleiðinga sem afregluvæðing leigubifreiðaaksturs hefur haft á hinum Norðurlöndunum. Leigubílstjórar segja þær afleiðingar hörmulegar. „Aftur á móti er frumvarpið sniðið eftir tillögum Viðskiptaráðs Íslands og Samkeppniseftirlitsins og lagt til að fyrirtæki megi starfrækja leigubifreiðar og að engin bönd verði á fjölda bifreiða,“ segir í umsögn. Leigubílsstjórar segja það vekja upp áleitnar spurningar hvers vegna sjónarmiðum samtaka atvinnurekenda sé fylgt til hlítar en röksemdir og ábendingar stéttar leigubifreiðastjóra og Alþýðusambands Íslands hundsaðar. Stjórnvöldum hafi verið í lófa lagið að fá undanþágu Í umsögninni segir að frumvarp innviðaráðherra sé kynnt þannig að óhjákvæmilegt sé að ráðast í breytingar á lögum um leigubílaaksturs vegna þess að eftirlitsstofnun EFTA kalli eftir því. „Íslenskum stjórnvöldum var í lófa lagið að leita undanþága sem þau gerðu ekki. Þau þurfa að svara fyrir eigin mistök í því efni og fá þau leiðrétt - ekki er hægt að leggja ábyrgðina á þeirri yfirsjón á herðar stéttar leigubifreiðastjóra og notenda þeirrar þjónustu er þeir veita,“ segir í umsögninni. Þá segir að Alþýðusamband Íslands hafi leitt að því rök að Íslandi sé ekki skylt samkvæmt samningnum um Evrópska efnahagssvæðið að ganga eins langt í breytingum og lagt er til í frumvarpinu. Hneykslismál Uber ætti að drepa frumvarpið í fæðingu Leigubílstjórar segja að nýjar fréttir af hneykslismálum Uber og áhrifa stjórnenda þeirrar farveitu á stjórnmálamenn og blaðamenn víðs vegar um Evrópu, ættu út af fyrir sig að vera næg ástæða til að falla frá áformum um afregluvæðingu leigubifreiðaaksturs hér á landi. Sér í lagi að koma í veg fyrir að erlendar farveitur nái hér fótfestu. „Líklegt má telja að íslenskir ráðamenn - líkt og ráðamenn víðs vegar annars staðar í álfunni - séu undir áhrifum af undirróðursstarfsemi Uber,“ segir í umsögninni. Umsögn Bifreiðastjórafélagsins Frama og Bandalags íslenskra leigubifreiðastjóra má lesa hér.
Leigubílar Ríkisstjórn Katrínar Jakobsdóttur Samgöngur Mest lesið Þjóðhátíðargestum hleypt inn í Herjólfshöll meðan veðrið gengur yfir Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Þjóðhátíð í Eyjum: Farþegafjöldi í Herjólfi komi á óvart Innlent „Ég upplifi þetta sem mikinn yfirgang og ofbeldi“ Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira