Andri var með tvo lífverði með sér hvert sem hann fór sem Hugó

*Höskuldarviðvörun* Hér að neðan verður greint frá því hver er röddin hjá tónlistarmanninum Húgó. Þeim sem eru að fylgjast með þáttaröðinni og hafa ekki séð nýjasta þáttinn er ráðlagt að hætta að lesa núna.

.

.

.

.

.

Það er Andri Fannar Sóleyjarson sem leynist á bak við grímuna. Hann hefur verið að fást við tónlist síðan hann var ungur og kemur inn í verkefnið í gegnum pródúsentinn Þormóð Eiríksson sem kallar Andra litla frænda sinn. Hann er frá Ísafirði og er fæddur árið 1999.

Í þættinum í gær fengu áhorfendur að kynnast Andra betur og til að mynd sagði hann frá því að hann hafi alltaf verið með tvo lífverði með sér hvert sem hann fór sem Hugó.

„Ég var með tvo menn með mér sem gátu sennilega báðir lyft upp fólksbíl,“ segir Andri og heldur áfram.

„Ég held að annar lífvörðurinn sé minn besti aðdáandi og ég þarf oft að vera keyra með honum um bæinn. Hann var alltaf að hrósa mér eftir giggin og peppa mig upp.“

Birgitta Líf er umboðsmaður Hugó en hún fékk aldrei að vita hver hann væri í raun og veru.

„Hann kom einu sinni í soundtékk hingað á Bankastræti Club og bókstaflega sagði ekki orð. Það var mjög gaman að komast að því hver þetta væri en fram að því gat ég með mjög góðri samvisku sagt að ég vissi ekkert hver þetta væri,“ segir Birgitta.

Hér að neðan má sjá atriði úr þætti gærkvöldsins.