Handbolti

Kristján markahæstur í sigri AIX

Atli Arason skrifar
Kristján Örn Kristjánsson er leikmaður AIX.
Kristján Örn Kristjánsson er leikmaður AIX. Twitter@pauchandball

Kristján Örn Kristjánsson, leikmaður AIX, var markahæsti leikmaður vallarins þegar AIX sigraði Toulouse, 26-25, í franska handboltanum í kvöld. Grétar Guðjónsson, markvörður Selestat, beið ósigur gegn Saint-Raphael á sama tíma, 39-30.

Kristján Örn skoraði sex mörk úr átta skotum í eins marks heimasigri AIX á Toulouse en enginn skoraði fleiri mörk en Kristján í leiknum. 

Í suður Frakklandi var Grétar Guðjónsson, markvörður Selestat, í heimsókn hjá Saint-Raphaël. Grétar varði fimm af 21 skoti sem hann fékk á sig í níu marka tapi. 

AIX er nú með átta stig í 5. sæti frönsku úrvalsdeildarinnar eftir sex leiki en Selestat er án stiga í 15. og næst neðsta sæti deildarinnar eftir jafn marga leiki.

Franski handboltinn

Mest lesið


Fleiri fréttir

Sjá meira


×

Mest lesið