Rjúpnaveiðin fór ágætlega af stað

Nokkrir af þeim sem Veiðivísir hefur heyrt frá áttu prýðisgóðan dag á fjöllum og við vitum nú þegar af nbokkrum sem eru búnir að ná í jólamatinn. Eins höfum við heyrt af töluverðum fjölda sem náði einni til fjórum rjúpum og eru menn almennt bara sáttir við það svona á fyrsta degi. það er nokkuð víst að langflestir ganga á fjöll og hætta þegar jólamatnum er náð en hvort það sé innan þess magns sem tilmæli Umhverfisstofnunar eru skal ósagt látið.

Líklega eru flestir að reyna ná sér í tíu til fimmtán rjúpur en það eru ekki allir sem ná því. Það er engu að síður talað um að það sjáist mun meira af rjúpu en í fyrra og setja margir spurningarmerki við aðferðafræðina sem virðist vera notuð til að meta stærð stofnsins. Það er vonandi að sem flestir náí í jólamatinn en ef það klikkar þá má benda á að rjúpu er hægt að fá bæði bringur og heilar í Bónus, Hagkaup og já líklega vel flestum verslunum.  Bara ef.....