Innlent

Ráðist á hús­ráðanda þegar hann opnaði úti­dyrnar

Kjartan Kjartansson skrifar
Tilkynnt var um að minnsta kosti þrjár líkamsárásir í borginni í gærkvöldi og nótt.
Tilkynnt var um að minnsta kosti þrjár líkamsárásir í borginni í gærkvöldi og nótt. Vísir/Vilhelm

Karlmaður hringdi dyrabjöllu húss í hverfi 103 í Reykjavík og réðst á húsráðanda þegar hann opnaði dyrnar skömmu fyrir klukkan tíu í gærkvöldi. Árásarmaðurinn var farinn af vettvangi þegar lögreglu bar að garði en lögregla telur sig kunna deili á honum.

Tilkynnt var um fleiri líkamsárásir í höfuðborginni í gærkvöldi og nótt samkvæmt dagbók lögreglunnar. Laust fyrir klukkan eitt í nótt var tilkynnt um að ráðist hefði verið á mann í hverfi 104. Árásarmaðurinn var handtekinn og vistaður í fangageymslu lögreglu vegna rannsóknar málsins. Áverkar þess sem varð fyrir árásinni eru sagðir minniháttar.

Í miðborginni var tilkynnt um líkamsárás rétt fyrir klukkan fjögur í nótt. Árásarmaðurinn var handtekinn skömmu sóðar og vistaður í fangageymslu. Ekki er vitað um áverka brotaþolans.

Lögreglumál Reykjavík

Mest lesið


Fleiri fréttir

Sjá meira


×

Mest lesið