Tónlist

P!nk með vinsælasta lagið

Dóra Júlía Agnarsdóttir skrifar
Söngkonan P!nk trónir á toppi Íslenska listans á FM957 um þessar mundir
Söngkonan P!nk trónir á toppi Íslenska listans á FM957 um þessar mundir Axelle/Bauer-Griffin/FilmMagic

Tónlistarkonan P!nk situr í fyrsta sæti Íslenska listans á FM957 þessa vikuna með lagið sitt „Never Gonna Not Dance Again“. Lagið hefur verið á stöðugri siglingu upp listann undanfarnar vikur og er þetta í fyrsta skipti í dágóðan tíma sem hún er mætt á toppinn.

Lagið kom út fjórða nóvember síðastliðinn og fjallar meðal annars um að gera hlutina á eigin forsendum og dansa óháð öllu öðru.

Tónlistarmaðurinn Júlí Heiðar hækkar sig um þrjú sæti á milli vikna og skipar nú sjötta sæti listans með lagið sitt Hærra. Bebe Rexha og David Guetta sitja í fimmta sæti eftir margar vikur á toppnum með lagið I’m Good (Blue).

Þá situr Ed Sheeran í fjórða sæti með lagið Celestial, Elton John og Britney Spears í því þriðja með Hold Me Closer en Sam Smith og Kim Petras eru komin upp í annað sæti með TikTok smellinn Unholy. Það verður spennandi að fylgjast með því hvort þau nái á toppinn á næstunni en lagið Unholy hefur notið mikilla vinsælda víða um heiminn, bæði á streymisveitum og á samfélagsmiðlum.

Íslenski listinn er fluttur alla laugardaga á milli klukkan 14:00 og 16:00 á FM957.

Lög íslenska listans:

Íslenski listinn á Spotify:

Íslenski listinn FM957 Tónlist

Tengdar fréttir

Adele drekkur vín og þykir líkleg til vinsælda

Breska stórstjarnan og söngkonan Adele var kynnt inn sem líkleg til vinsælda á Íslenska listanum á FM í dag með lagið I Drink Wine. Lagið er að finna á plötunni 30 sem Adele sendi frá sér í fyrra.

24 ára gamalt lag í glænýjum búning

Tónlistarfólkið David Guetta og Bebe Rexha sitja í fyrsta sæti Íslenska listans á FM957 þessa vikuna með lagið I’m Good (Blue). Er hér á ferðinni eins konar endurgerð á laginu Blue Da Ba Dee sem næntís sveitin Eiffel 65 gerði gífurlega vinsælt árið 1998.

Óheilög og gríðarlega vinsæl

Tónlistarfólkið Sam Smith og Kim Petras sameinaði krafta sína við lagið Unholy sem situr í sjöunda sæti Íslenska listans á FM þessa vikuna. Lagið kom út fyrir mánuði síðan og hefur slegið í gegn í tónlistarheiminum sem og á samfélagsmiðlinum TikTok.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.