Reynt til þrautar að ná samningum í dag

Í gær var fundað fram á kvöld í kjaradeilu Samtaka Atvinnulífsins og VR, LÍV og samfloti iðn- og tæknifólks. Samkvæmt heimildum fréttastofu er lítill gangur í viðræðunum sem hafa gengið löturhægt til þessa . Reynt verður til þrautar að ná samningum í dag og má segja að upp sé runnin úrslitastund í deilunni. Í gær ræddi forystufólk ríkisstjórnarinnar meðal annars við forsvarsmenn þeirra félaga sem eiga aðild að viðræðunum.

Deiluaðilar voru ekki til viðtals í gærkvöldi að beiðni Aðalsteins Leifssonar, Ríkissáttasemjara, sem sagði vissulega vera farið að bera á óþolinmæði í viðræðunum.  Hann telji þó að enn sé von til þess að viðsemjendur komist að niðurstöðu og fundurinn í dag verði góður.