Fótbolti

Fjórði deildarsigurinn í röð hjá Jóhanni og félögum

Hjörtur Leó Guðjónsson skrifar
Jóhann Berg Guðmundsson og félagar hans í Burnley eru búnir að vinna fjóra leiki í röð í ensku B-deildinni.
Jóhann Berg Guðmundsson og félagar hans í Burnley eru búnir að vinna fjóra leiki í röð í ensku B-deildinni. Stu Forster/Getty Images

Jóhann Berg Guðmundsson og félagar hans í Burnley sitja enn á toppi ensku B-deildarinnar eftir öruggan 3-0 sigur gegn Birmingham í kvöld.

Þetta var fjórði deildarsigur liðsins í röð og liðið er því enn með þriggja stiga forskot á toppnum. Liðið er með 50 stig eftir 24 leiki, þremur stigum meira en Sheffield United sem situr í öðru sæti. Seinasti tapleikur Burnley í deildinni kom einmitt gegn Sheffield United.

Jóhann Berg hóf leik á varamannabekk Burnley í kvöld, en kom inn á þegar um tíu mínútur voru til leiksloka.

Enski boltinn

Mest lesið


Fleiri fréttir

Sjá meira


×

Mest lesið