Körfubolti

„Auð­vitað er maður skeptískur á Warri­ors“

Runólfur Trausti Þórhallsson skrifar
Stephen Curry er meiddur og það virðist ekki líklegt að Golden State Warriors geri atlögu að NBA-meistaratitlinum.
Stephen Curry er meiddur og það virðist ekki líklegt að Golden State Warriors geri atlögu að NBA-meistaratitlinum. Lachlan Cunningham/Getty Images

Rætt verður um meistaralið Golden State Warriors í Lögmál leiksins í kvöld. Liðið hefur ekki verið upp á sitt besta að undanförnu og virðist ekki líklegt til að verja titil sinn. Lögmál leiksins er á dagskrá Stöðvar 2 Sport 2 klukkan 20.00.

„Auðvitað er maður skeptískur á Warriors þegar besti leikmaðurinn þeirra er ekki heill. Það er mjög auðvelt að segja það. Hann þarf alveg að ná smá ryðma í deildarkeppninni,“ sagði Hörður Unnsteinsson en sem stendur er Stephen Curry frá vegna meiðsla.

„Eftir viku eru 20 leikir eftir, tíminn fer að verða naumur,“ skaut Sigurður Orri Kristjánsson inn í.

„Við munum eftir 2017 eða 2018 úrslitakeppninni þar sem hann mætir meiddur inn í úrslitakeppnina og dettur út í fyrst umferð. Hann er ógeðslega lengi að koma sér í gang eftir meiðsli, eða á það til,“ bætti Hörður við.

Þáttur kvöldsins hefst klukkan 20.00 og þar verður að venju farið yfir allt það helsta sem hefur drifið á daga NBA deildarinnar að undanförnu.

Klippa: Lögmál Leiksins: Hann er ógeðslega lengi að koma sér í gang
Körfubolti Lögmál leiksins

Mest lesið


Fleiri fréttir

Sjá meira


×

Mest lesið