Keflvíkingar skutust á toppinn | Fjölnir hafði betur gegn botnliðinu

Keflvíkingar höfðu yfirhöndina frá upphafi til enda gegn Breiðablik í kvöld og náðu mest 14 stiga forskoti í fyrsta leikhluta. Gestirnir löguðu stöðuna áður en honum lauk, en Keflvíkingar juku forskot sitt jafnt og þétt það sem eftir lifði leiks.

Daniela Wallen Morillo var stigahæst í liði Keflvíkinga í kvöld með 18 stig og liðið vann öruggan 20 stiga sigur, 86-60. Með sigrinum komust Keflavíkurkonur aftur á topp Subway-deildar kvenna, en Valskonur hrifsað toppsætið til sín á ný með sigri gegn Haukum í kvöld.

Þá áttu Fjölniskonur ekki í miklum vandræðum með botnlið ÍR á sama tíma. Brittany Dinkins fór á kostum í liði Fjölniskvenna og skoraði 34 stig ásamt því að taka 16 fráköst.

Fjölniskonur unnu að lokum 14 stiga sigur, 83-69, og sitja í sjötta sæti deildarinnar með 14 stig.