„Það er ekkert plan B“

Nú styttist óðum í Hlustendaverðlaunin 2023 sem fara fram 17. mars næstkomandi í Háskólabíói. Nýliði ársins er meðal verðlaunaflokka og eru átta hljómsveitir og tónlistarmenn sem keppast um titilinn. Lífið á Vísi ræddi við allt tónlistarfólkið sem var tilnefnt í þessum flokki og fékk smá innsýn inn í sköpunargleði þeirra og tónlist.

Viðtalið má sjá í spilaranum hér að neðan:

Hver ert þú með eigin orðum?

Ungur Daniil, alinn upp í Árbæ og elskar að búa til tónlist.

Hvernig myndir þú lýsa þínum tónlistarstíl?

Ég á mikið af rapp lögum, rólegum lögum og meðal annars nokkur popp lög. Þetta er bara einhvers konar bland í poka.

Hver var kveikjan að því að þú byrjaðir í tónlist?

Þegar vinur minn fékk Macbook tölvu, rest is history.

Hvað er það skemmtilegasta við að vinna í tónlist?

Mér finnst bara allt mjög skemmtilegt við þetta.

En erfiðasta?

Fólk lítur öðruvísi á mann þegar maður er „rappari“ en það er samt ekkert erfitt, bara eini neikvæði hluturinn við þetta.

Er eitthvað við tónlistarbransann sem hefur komið þér á óvart?

Nei.

Drauma samstarfs aðili?

Drake.

Áttu þér einhverja íslenska fyrirmynd í tónlistarheiminum?

Nei.

Hvernig var tilfinningin að fá tilnefningu sem Nýliði ársins?

Geggjuð. Mikill heiður að vera tilnefndur í ár.