Vanhæfir leiðtogar: Sjálfstraust oft misskilið sem hæfni

Rakel Sveinsdóttir skrifar 17. mars 2023 07:01

Niðurstöður rannsókna benda til þess að í heiminum sé það almennt vandamál að of margir gegna leiðtogastöðum sem þeir hafa ekki hæfni til að sinna. Þvert á móti er verið að misskilja sjálfstraustið þeirra sem hæfni. Meðal einkenna þessa hóps er að þetta eru einstaklingar sem almennt ofmeta sjálfan sig, ýkja árangur sinn og finnst mikilvægt að öðrum finnist mikið til þeirra koma. Vísir/Getty

Rannsóknir hafa sýnt að eitt stærsta vandamál heimsins felst í því að of margir eru í leiðtogastöðum, sem þó hafa ekki hæfni til þess. Skýringin er sögð sú að of oft misskilst sjálfstraust fyrir hæfni.

Í nýlegri umfjöllun FastCompany eru upptalin fjögur atriði sem sögð eru vísbendingar um að sú hæfni sem fólk lætur í veðri vaka að það búi yfir, sé í raun ekki til staðar. Samkvæmt rannsóknum.

Þessi fjögur atriði eru:

1. Hafa mikla þörf fyrir að vera „einhver“

Eitt einkenna er sagt vera það að einstaklingar sem hafa mjög mikla þörf fyrir því að vera á einhverjum stalli, eða vera eitthvað númer eins og oft er sagt, séu oft einstaklingar sem fremur búa yfir sjálfstraust en hæfni til þess að gegna þeim störfum sem þeim er þó oft treyst fyrir.

Þessir aðilar vilja að tekið sé eftir þeim og það skiptir þessa einstaklinga miklu máli að öðru fólki finnist mikið til þeirra koma.

Með öðrum orðum: Þessir einstaklingar slá oft um sig.

2. Ýkja árangur sinn og getu

Annað einkenni er sagt vera það að þessir einstaklingar eru gjarnir á að ýkja árangur sinn og frammistöðu.

Þessar ýkjur geta komið fram í samtölum, á ferilskrá og í atvinnuviðtölum svo dæmi séu tekin.

3. Eru sjálfhverfir

Þá er þetta fólk sagt vera sjálfhverft sem einstaklingar. Í umræddri grein er vísað til rannsókna þar sem niðurstöður sýna að besta leiðin til að plata annað fólk, sé í rauninni að plata sjálfan sig.

Með öðrum orðum: Þessir einstaklingar ofmeta sjálfan sig og sína eigin getu.

4. Eru forréttindasinnar

Þessir einstaklingar vilja njóta forréttinda og líta svo á að forréttindi séu hluti af því að undirstrika mikilvægi þeirra og stöðu.

Þessir einstaklingar eiga það því til að líta ekki á sjálfan sig sem hluta af teymi, heldur frekar það að þeir séu yfir aðra hafna.

Alls kyns þættir gera það hins vegar að verkum að oft komast þessir einstaklingar mjög langt áfram og þá jafnvel karlmenn umfram konur. Því oft eru karlmenn sem eru með mikið sjálfstraust metnir sem mjög hæfir einstaklingar, á meðan konur sem eru með mikið sjálfstraust eru frekar álitnar mjög metnaðarfullar en hæfar.

Tengdar fréttir

Hundruð karlmanna forstjórar en sautján ár á milli kvenráðninga

„Sautján ár liðu á milli ráðninga á konu í forstjórastól í skráðu félagi á Íslandi. Á sama tíma hafa karlmenn sem gegnt hafa stöðu forstjóra í skráðum félögum skipta hundruðum,“ segir Ásta Dís Óladóttir dósent við Háskóla Íslands og formaður Jafnvægisvogar FKA en nýlega birti hún, auk Þóru H. Christiansen, Sigrúnar Gunnarsdóttur og Erlu S. Kristjánsdóttur, grein í TVE-Tímariti um viðskipti og efnahagsmál þar sem er rýnt er í skýringar á því hvers vegna þróun á ráðningum kvenstjórnenda í forstjórastöður er jafn hægfara og raun ber vitni.

4. janúar 2023 07:01

Helstu einkenni og afleiðingar óttastjórnunar á vinnustöðum

Ef skaðinn er skeður þarf að hreinsa til í stjórnendahópnum segir Bjarni Snæbjörn Jónsson í viðtali um óttastjórnun á vinnustöðum. Hann bendir hins vegar á að það er ekki alltaf svo að rót vandans liggi hjá stjórnanda.

3. september 2020 09:09

Fjórar tegundir erfiðra einstaklinga á vinnustöðum

Erfið starfsmannamál: Það þekkja það flestir að hafa starfað með einstaklingum sem þeim finnst erfiðir. En hvað einkennir þá einstaklinga?

22. janúar 2020 09:00

Fólkið sem allir kannast við af fundum

Það kannast allir við þessar týpur því á fundum er það oft sama starfsfólkið sem talar of mikið, of lengi eða um ekki neitt. Það sama gildir um þá sem þegja alltaf og eru uppteknari í símanum en að fylgjast með fundinum.

21. ágúst 2020 09:00

Trendin 2023: Hæfni en ekki starfsheiti eða prófgráður verður málið

„Hæfniþættir verða miðjan í vinnunni, ekki starfsheiti eða prófgráður. Við munum gera spár um mannaflaþörf, ráðningar, skipulag fræðslu, starfsþróun og fleira út frá hæfniþáttum en ekki starfsheitum eða deildum,“ segir Herdís Pála Pálsdóttir stjórnunarráðgjafi og annar stofnenda Opus Futura meðal annars um áherslur í mannauðsmálum árið 2023.

11. janúar 2023 07:00