Fótbolti

Sjöundi leikurinn í röð án sigurs hjá Dagnýju og stöllum

Hjörtur Leó Guðjónsson skrifar
Það gengur lítið upp hjá West Ham þessa dagana.
Það gengur lítið upp hjá West Ham þessa dagana. Paul Harding - The FA/The FA via Getty Images

Dagný Brynjarsdóttir og stöllur hennar í West Ham gerðu markalaust jafntefli er liðið tók á móti Liverpool í ensku úrvalsdeildinni í knattspyrnu í kvöld.

West Ham hefur nú leikið sjö leiki í röð í öllum keppnum án þess að vinna. Í þessum sjö leikjum hefur liðið aðeins skorað þrjú mörk og fengið á sig 17.

Á þessum tíma hefur liðið dottið úr leik úr báðum bikarkeppnum Englands og aðeins náð í tvö stig í deildinni.

West Ham situr nú í sjöunda sæti ensku úrvalsdeildarinnar með 17 stig eftir jafn marga leiki, einu stigi fyrir ofan Liverpool sem situr sæti neðar.

Enski boltinn

Mest lesið


Fleiri fréttir

Sjá meira


×

Mest lesið