Innlent

Rúnar settur forstöðumaður Minjastofnunar til eins árs

Hallgerður Kolbrún E. Jónsdóttir skrifar
Rúnar tekur við embættinu 1. maí næstkomandi.
Rúnar tekur við embættinu 1. maí næstkomandi. Stjórnarráðið

Rúnar Leifsson, doktor í fornleifafræði, hefur verið settur tímabundið í embætti forstöðumanns Minjastofnunar Íslands. Guðlaugur Þór Þórðarson, umhverfis-, orku- og loftslagsráðherra hefur sett hann í embættið til eins árs. 

Þetta kemur fram í tilkynningu á vef Stjórnarráðsins. Rúnar hefur starfað í menningar- og viðskiptaráðuneytinu sem sérfræðingur á skrifstofu menningar- og fjölmiðla en hefur verið veitt tímabundið leyfi. Rúnar er eins og áður segir með doktorspróf í fornleifafræði frá Háskóla Íslands og hefur starfað í opinberri stjórnsýslu undanfarin ár, bæði hjá Stjórnarráðinu og Minjastofnun. 

Rúnar tekur við embættinu 1. maí næstkomandi þegar Kristín Huld Sigurðardóttir, núverandi forstöðumaður, lætur af störfum. 

Vistaskipti Stjórnsýsla Fornminjar

Mest lesið


Fleiri fréttir

Sjá meira


×

Mest lesið