Innlent

Rann­sókn á mann­drápi á Sel­fossi gengur vel

Ólafur Björn Sverrisson skrifar
Frá Héraðsdómi Suðurlands þar sem maðurinn var leiddur fyrir dómara í byrjun maí.
Frá Héraðsdómi Suðurlands þar sem maðurinn var leiddur fyrir dómara í byrjun maí. vísir

Lögreglustjórinn á Suðurlandi hefur krafist áframhaldandi gæsluvarðhalds yfir manni sem grunaður er um manndráp á Selfossi. Sá hefur meiri aðkomu að málinu en annar maður sem var handtekinn við upphaf rannsóknar en sleppt. 

Sveinn Kristján Rúnarsson, yfirlögregluþjónn á Suðurlandi, staðfestir þetta í samtali við fréttastofu. RÚV greindi fyrst frá kröfu lögreglustjórans. Búist er við því að héraðsdómari staðfesti úrskurð í dag en gæsluvarðhaldsúrskurður frá 2. júní rennur út í dag.

Rannsóknin miðar vel að sögn Sveins Kristjáns. 

„Staðan er góð en þetta er tímafrekt þar sem verið er að sækja mikið af gögnum,“ segir hann. 

Hann segir nú beðið eftir lokaskýrslu úr krufningu. Bráðabirgðaniðurstöður benda til þess að 29 ára gamalli konu hafi verið ráðinn bani.

Héraðssaksóknara og fjölskyldu haldið upplýstri

„Hann hefur enn stöðu sakbornings,“ segir Sveinn Kristján spurður um hinn manninn sem handtekinn var við upphaf rannsóknar. Sá sem er enn í haldi hefur meiri aðkomu að málinu en Sveinn Kristján vildi ekki tjá sig nánar um hlut hvors fyrir sig.

„Mínum skjólstæðing hefur verið sleppt úr varðhaldi. Það að honum hafi verið sleppt bendir til þess að lögreglan telji að hann sé ekki viðriðinn þetta,“ sagði Torfi Ragnar Sigurðsson, lögmaður mannsins þegar honum var sleppt var í maí. Að öðru leyti vildi hann ekki tjá sig um málið.

„Héraðssaksóknari fer með ákæruvald og það er nauðsylegt að halda honum upplýstum um gang mála,“ segir Sveinn Kristján um fundi með héraðssaksóknara um málið. Fjölskyldu hinnar látnu er einnig haldið upplýstri eins og kostur er.

Árborg Grunur um manndráp á Selfossi Lögreglumál

Tengdar fréttir

Rannsókn beinist að hugsanlegu manndrápi

Rannsókn lögreglu á andláti ungrar konu á Selfossi í síðustu viku beinist nú að hugsanlegu manndrápi til samræmis við bráðabirgðaniðurstöður krufningar. Héraðsdómur Suðurlands hefur framlengt gæsluvarðhald til 19. maí yfir öðrum af tveimur mönnum sem handteknir voru í tengslum við málið. Maðurinn var leiddur fyrir dómara nú fyrir stundu. 

Lög­regla fundar með fjölskyldu hinnar látnu í dag

Lögreglan á Suðurlandi telur sig vera komna með nokkuð skýra mynd af atburðarrásinni sem leiddi til andláts konu á Selfossi í síðustu viku. Farið hefur verið fram á gæsluvarðhald yfir öðrum af tveimur mönnum sem handteknir voru í tengslum við andlátið en hinum hefur verið sleppt. Lögregla mun funda með aðstandendum hinnar látnu í dag. 

Annar laus úr gæsluvarðhaldi í Selfossmálinu

Lögreglan á Suðurlandi hefur sleppt öðrum manninum úr gæsluvarðhaldi sem handtekinn var í tengslum við andlát ungrar konu á Selfossi. Krafa hefur verið gerð um að hinn maðurinn sæti áfram gæsluvarðhaldi.

Mest lesið


Fleiri fréttir

Sjá meira


×

Mest lesið