Magnesíum heiti potturinn - fyrsta sinn á Íslandi

Artasan 21. júní 2023 09:30

„Hvað er meira slakandi en að liggja í potti sem er stútfullur af kraftmiklum magnesíum flögum og njóta á meðan þetta mikilvæga steinefni smýgur inn í líkamann,“ segir Úlfar Konráð Svansson, vörumerkjastjóri hjá Artasan. Better You ætlar í samstarfi við Laugardalslaug að bjóða upp á heitan pott með magnesíum flögum alla fimmtudaga í sumar.

Better You hefur tekið höndum saman við Laugardalslaug þar sem boðið verður upp á heitan pott með magnesíum flögum alla fimmtudaga í sumar.

Magnesíum er einstaklega mikilvægt steinefni sem spilar nauðsynlegt hlutverk í yfir 300 lífefna- og lífeðlisfræðilegum ferlum í líkama okkar og er fjórða algengasta efnið í líkamanum. Helmingur magnesíums geymist í beinum og hinn helmingurinn deilist á vöðva og aðrar frumur.

Magnesíum er nauðsynlegt steinefni fyrir eðlilega líkamsstarfsemi

Magnesíum hefur ekki aðeins slakandi og róandi áhrif á sál og líkama heldur spilar það stórt hlutverk í að viðhalda almennu heilbrigði og efla okkur andlega sem líkamlega.

Magnesíum stuðlar m.a. að eðlilegri vöðvastarfsemi og prótínmyndun ásamt viðhaldi eðlilegra beina og tanna
Jafnframt er magnesíum nauðsynlegt fyrir hjarta- og æðakerfi, alla orkuvinnslu í líkamanum, sem og jafnvægi blóðsykurs.
Magnesíum er talið bæta snerpu og styrk hjá íþróttafólki sem og minnka skemmdir og bæta endurheimt.
Magnesíum róar taugakerfið, hefur slakandi áhrif á líkamann og getur jafnvel komið í veg fyrir fótapirring sem oft gerir vart við sig á kvöldin.

Magnesíum heiti pottur í Laugardalslaug

„Við byrjum með magnesíum pottinn fimmtudaginn 22. júní þar sem við bjóðum upp á slökunarpott í allt sumar,“ segir Úlfar Konráð Svansson, vörumerkjastjóri hjá Artasan. „Hvað er meira slakandi en að liggja í potti sem er stútfullur af kraftmiklum magnesíum flögum og njóta á meðan þetta mikilvæga steinefni smýgur inn í líkamann. Flögurnar leysast upp í vatni og þegar þeim er bætt út í pottinn skilar magnesíum sér beint í gegnum húðina og inn í frumur líkamans hratt og örugglega. Að liggja í magnesíum potti er slakandi fyrir sál og líkama og einstakt tækifæri að prófa í Laugardalslauginni í sumar,“ segir Úlfar.

Better You býður upp á magnesíum í sínu náttúrulegasta formi

Better You hefur til fjölda ára notið vinsælda víða um heim og ekki af ástæðulausu enda mikið lagt upp úr gæðum. Better You hefur framleitt fjölda vara sem innihalda öflugt magnesíum og notast er við Zechstein® Magnesíum sem er eitt hreinasta og náttúrulegasta form magnesíum sem fyrir finnst. Zechstein® frásogast auðveldlega í gegnum húðina og nýtist líkamanum afar vel.

Nánari upplýsingar á vef Lyf og heilsu.

Heilsa